被控「串謀顛覆國家政權」的 47 名參與或組織民主派初選人士，當中 15 人原本獲批保釋，但律政司隨即提出覆核。不過，到今日（５日 ）律政司突然又撤銷其中 4 人的保釋覆核。楊雪盈、劉偉聰、呂智恆及林景楠晚上 7 時許，再提堂後獲保釋，陸續從西九龍裁判法院步出，眾人均表現疲憊，不約而同地表示想與家人團聚。亦有人提及仍有朋友未釋放，希望眾人能平安。

劉偉聰：件事仲未完，希望我哋吉人天相

4 人之中，劉偉聰最先步出法院。他已換去之前 4 天上庭穿的西裝，別上一條黃色袋巾，也由懲教署的 CSI 綠色口罩，換成有花樣的口罩。他起初曾指不欲發言，後來在眾記者提出下，仍走到了鏡頭前簡單發言。

「好多謝、好多謝咁多位朋友。我知你哋日以繼夜守候關心 47 個人，今日我能夠有擔保，但仲有好多好多被告人申請緊擔保，我唔可以講太多嘅嘢。我只能夠希望佢所有嘅擔保都能夠成功、重獲自由，好多謝大家同埋所有關心、支持所有善良嘅人，希望大家繼續關心。件事，仲未完。希望我哋吉人天相，多謝。」

有記者以英文問及劉的感受，他則說「I am just a human being, I am tired. 」之後他又說「我媽媽等緊我」。

楊雪盈：好想睇下我啲貓

曾一度於保釋聆訊暈倒的楊雪盈，今晚換上杏色連身裙，緩緩跑出，亦耐心讓記者拍照。她聲音略帶繃緊：「好多謝咁多朋友關心，其實我真係好攰，好想快啲返屋企，見吓屋企人、睇吓我啲貓，最後我想講嘅係，希望大家都平安，多謝。」

林景楠與妻子相擁　「Don't worry」

多日留院的林景楠，與妻子手牽手步出法院大樓。他神情疲憊，「多謝大家關心，辛苦晒咁多位傳媒同好多家人呢個星期嘅守候，好掛住屋企人、好掛住我太太同兩個囡囡，我而家好攰啦。辛苦晒大家。我真係好愛我家人，我好掛住佢哋，我要返屋企先。」

兩人走到法院大閘門外，妻子一度哽咽，然後兩人相擁，林景楠並親吻妻子額頭，輕聲說，「Don't worry」。

吕智恆：望聽日上庭朋友，有公正判決

最後步出法院的是呂智恆和其養母 Elsa，呂智恆同樣表現憔悴，思考一會後才說，「希望聽日上庭嘅朋友，佢哋都可以有一個公正判決，願眾人平安。特別係，通宵達旦嘅一啲市民，嚟支持嘅市民，關心呢件事嘅市民，希望大家注意安全，多謝大家。」

呂智恆養母 Elsa 之後亦發言，一度哽咽，「我哋唔可以獨善其身，我哋 47 位朋友係被捕嘅⋯仲有其他朋友未保釋到出嚟」，她呼籲政府撤銷控罪，以保持美好制度。

「朋友未必需要今日畀到保釋金，呢個就係信任，就係香港嘅美事，希望香港要保持呢一個嘅美事。睇到我哋唔可以獨善其身，我哋 47 位朋友係被捕嘅…仲有其他朋友未保釋到出嚟，呼籲政府撤銷控罪，並勉勵香港人要加油，「我哋要保持、承傳香港美好嘅制度」。

她容呂智恆能夠獲釋是「一個奇蹟」，又說自己今早曾到收押所探望他，「本身同律師傾緊聽日上訴，下午 3 點半就收到（律政司取消覆核申請）消息，其實（心情）好似坐緊過山車，無論如何我都覺得政府係釋出咗善良，我係欣賞。」但同時，她亦擔心呂智恆或會再次被收押，再次呼籲政府撤銷對 47 人控罪。

被問到回家後想第一時間做甚麼，Elsa 答「其實我哋好普通家庭，一個家庭坐埋一齊食飯，呢個就係我哋嘅親情、我哋嘅愛。」

Elsa 稱，明日會偕呂智恆到高等法院旁聽另外 11 人的覆核申請，「一定要支持呢一班，我覺得係真心真意愛香港、為香港嘅人。」

經過 4 日保釋審訊後，國安法指定法官蘇惠德於 47 名參與或組織民主派初選人士中，批出了 15 人的保釋，但律政司隨即提出覆核，所有被告須繼續還押。律政司今日 （５日 ）撤銷覆核楊雪盈、劉偉聰、呂智恆及林景楠的保釋，4 人今日在西九龍裁判法院提訊後獲釋。