重新審視接種科興疫苗風險
接種疫苗的人出現了四個嚴重嘅不良反思，兩位老人家過了身，還有兩位要入 ICU。
睇返他們入 ICU 或死因，發現 3 個都同心血管疾病有關，兩位是出現了冠心病引致的併發症與及一位是出現中風。而另外一位最大可能是因為沒有打胰島素才出現糖尿病酮症酸中毒，比較容易排取其嚴重反應是因為疫苗。但其如三位的嚴重不良反應都是心血管疾病時，就算可能係因為長者不少都有心血管疾病，就算長者的心血管疾病都比較嚴重，就算不少長者每天都死於心血管疾病，幾天出現這三個有相似性的個案，其實真係要再睇返臨床研究數據，重新審視長期病患者，尤其係有心血管疾病問題或糖尿病的病患者接種科興疫苗的風險。
咦？但係呢支疫苗嘅三期臨床研究數據，好似未經同儕審批，仲未在任何科學期刊中發佈過，而且其 60 歲以上的未能出科學期刊的數據都少之又少，咁點算好？
當然就係好似筆者之前個 post 咁講，緊急批准使用後，要收集更多嘅數據，在一個嚴重不良反應個案出現後，不能確立與疫苗是否有關係時，就要用更多的數據去支持或否定這個現階段不能確定的關係。
可惜，在全港接種疫苗前又無好好計劃如何做數據收集、如何分析、如何報告，令何時才有香港自己的數據都是未知。現在當然只可押上專家之名，依賴一個個個案咁去講，大家證明唔到有關係就等如無關係去 convince 市民。
記得十幾日前，我阿媽問我打唔打科興，我話係打就等 BioNTech，佢話佢師傅話打咗好啲，滅活疫苗歷史悠久比較安全，唔打俾人打晒就無得打㗎啦。我以為佢講風水師傅，咁都可信啲，原來佢講嘅係樓下教佢耍太極嗰個師傅⋯
長者，佢哋未必能掌握好自己的身體狀況，未必能明白到太多的科學原理，所以自己嘅長輩要自己好好睇實，同佢多作分析，不要假手於人啊！
#尤其在這個人人都可以係專家嘅年代
#更要學懂如何去好好分析
作者 Facebook
(標題為編輯所擬)