UA Cinemas（娛藝院線）宣布即日起（3 月 8 日）全線結業。香港影業協會理事長洪祖星對此感到「好可惜」，但相信有大財團願意接手。香港電影工作者總會會長田啟文形容，UA 是「龍頭院線」，感到「震驚」，擔心出現骨牌效應，並影響投資者意欲。

洪祖星：國內機會多　料無意進軍香港

香港影業協會理事長洪祖星今早接受商業電台《在晴朗的一天出發》節目訪問時，對 UA Cinemas 全線結業感到「好可惜」。他表示，UA 立足香港多年，現在戲院「做得咁靚、咁現代化，UA 起咗好大作用」。他又指戲院經營困難，租金好貴，加上人工水電，成本「起碼每個月一百幾十萬」。疫情持續一年多，戲院多次被勒令關閉，過去一年收入，人工都應付不來，「以商言商，而家香港所有戲院都係蝕本嘅，邊度有咁多錢？」他認為，現在經營戲院全部都是大財團，「蝕得起，頂住先」。如果沒有大財團支持，他估計「最少一半戲院要執」。

雖然如此，洪祖星相信「戲院一定有人接手」。他認為，中國大陸戲院今年農曆新年創下新的票房紀錄，國內經營院線尚有好多空間，相信大陸院線不會進軍香港。他坦言，做戲院要賺錢好難，相信要「對戲院好熱衷，對電影界支持」的大財團才會接手。

田啟文：龍頭院線頂唔住　憂影響投資者意欲

香港電影工作者總會會長田啟文形容 UA Cinemas 是「香港龍頭」，對其全線結業感到「震驚」。作為業界一份子，他擔心 UA 結業釋出「唔好嘅訊息」，可能造成骨牌效應，影響投資者意欲，「咁大嘅龍頭院線都頂唔住，咁電影即係無得做啦，咁不如唔好喺香港投資拍電影」。

田啟文同意，戲院「一直難做」，電影業是「明日黃花」，市場萎縮，但租金、人工卻不斷上漲。香港年度片房曾經高見 20、30 億，現在只餘幾億，「你點樣去 cover（成本）呢？」他指出，UA 戲院大多設於黃金地段，「租金特別貴」。據他了解，UA 院線「一路都想賣盤，等有心人來做」，但「真係頂唔住都無辦法，租金實在太貴」。他認為，現時不利和負面消息太多，前景又不明朗，相信「有咁嘅魄力嘅財團唔會特別多」，「買嘅人少，賣嘅人多，好大打擊」。