已移居台灣的資深傳媒人蕭若元早前稱「香港電影工業無前途」，引起爭議，著名導演杜琪峯在港台節目《鏗鏘說》接受蘇玉華訪問，不點名指蕭若元不懂電影，他「香港電影已死」的說法是廢話，寄語年輕電影人要繼續努力，「你哋有嘅係時間，有年輕嘅衝動，可以做時代賦予你哋嘅任務」。

另外，《立場》檢視今晚港台的節目播放時間，發現該集《鏗鏘說》原定 ８ 時播出，但和原定 7 時 10 分播出的《The Pulse》，播出時間對調。《立場》曾就此向多名港台員工查問，惟各人均表示，員工受「保密原則」規範，不能向外界透露，改動節目播出時間的原因，詳見相關報道。

港台節目《鏗鏘說》今播放杜琪峯訪問，杜琪峯主動提起，留意到有人重提「香港電影已死」，「唔好講名啦，費事」，但就認為「嗰位先生識搵食，但佢唔係識電影；佢癡住電影搵食，但唔係搞電影嘅人嘛」，坦言其說法是廢話，希望從事電影的年輕人千萬不要聽信。

杜琪峯又稱，20 年前已聽過有人說「香港電影已死」，認為說話的人一方面是不了解電影，一方面是「自己無得撈，就以為人哋都冇得撈」，直言現在經歷的事，過往也經歷過，舉例指在 97 至 98 年間根本沒有人投資電影。

杜琪峯電影向來被認為充滿政治隱喻，如《黑社會》被指與選舉有關，他自言並非刻意為之，但創作是來自社會和生活，「時代俾我嗰個感覺，我就寫啲咁嘅嘢」，而觀者又因應社會氣氛將之扣連。

承認創作會有無形界線　「一鋪比一鋪更大挑戰」

被問到會否擔心創作及言論自由收窄，杜琪峯回應自己沒有，但就承認必然會有一些無形界線，「你唔駛諗，佢實出現，一鋪比一鋪更大挑戰」。不過，他形容自己這種創作人是「橡皮蝨乸」，怎樣都壓不死，創作很靈活，「你話嗰樣唔講得我就講呢樣，但講呢樣唔代表嗰樣唔係入面，問題係內容係咪你真係想講，定人哋要你講」，他寄語電影業的「小朋友」要繼續做電影，「只有你自己唔做，你就係投降」。

談及社會變化大，年輕人感沮喪，杜琪峯相信大部分香港人都理解這種感受，但認為在這樣的時代中，更加考驗韌力，他以電影圈的年輕人為例，「你哋有嘅係時間，有年輕嘅衝動，可以做時代賦予你哋嘅任務」。

對於香港的未來，他則稱香港要保持靈活，「仲有一息尚存，我哋應該充滿希望」。

杜琪峯：唔識楊明，都唔知佢咩樣

在二選一環節中，主持蘇玉華問他如果要重拍《PTU》，會選擇楊明抑或王喜，杜琪峯稱選擇王喜，「我唔識（楊明），都唔知佢咩樣，我冇睇無綫廿年」，指自己知道王喜是誰，這年紀仍能演 PTU。蘇玉華則選楊明，稱不是想楊明當警察，而是演「機鋪打機嘅古惑仔」，「我諗都幾入型入格」。

杜琪峯又笑言，滿意自己的名字，「唔係好似國強咁，要令國家強大，好難嘅事」。