玩還玩，真係唔好拎科興嚟玩。
因為，你點都唔夠佢玩。
第四宗個案：3.2打針、3.11暈倒、即日離世
第五宗：3.1打、3.6胸痛、3.13離世
第六宗：3.2打、3.11暈、3.13離世
呢三宗，可能隔得比較遠，無直接關係
咁呢四宗呢?
第一宗個案：打完2日、呼吸困難同日死
第二宗：打完3日、急性心肌梗塞同日死
第二宗：打後4日、昏迷同日死
第七宗：打完1日、急性中風、5日後死
隔得耐，無直接關係，隔得近，都無直接關係，點樣先有直接關係?
可能，科興都答唔到你。
戴返個頭盔先，其實打針本身就有風險，其實確實原因當然要等解剖同詳細研究，無可能咬定有關係，但調返轉講，既然之前都講到明疫苗係新研發趕住打，又憑咩咁實牙實齒，話靠「之前數據」相信死亡個案全部同疫苗無直接關係?
講開，科興第三期疫苗數據都仲未喺國際期刊登、科興自己都講明其實60歲以上數據不足、中國衛健委今日先話，數據唔夠唔會俾60歲以上打住。
偏偏香港調轉做，60歲以上打先，而家人都死咗，你話無直接關係，仲叫人繼續打多多打，就真係要睇吓，邊個相信政府唔驚啦。
所以話，玩還玩，真係唔好拎科興嚟玩呀。