經常出現在示威現場的「王婆婆」王鳳瑤被指於 2019 年 1 月高等法院地下襲擊保安員，事隔一年多後被控一項普通襲擊罪。案件原定今（25 日）在東區裁判法院開審，惟沒有律師代表的王婆婆表示「我精神唔係好好」，未能詳閱控方多達 60 頁的文件及光碟內容，另外亦需時搜集辯方證據和證人，故申請押後審訊。

裁判官鄭紀航及主任裁判官羅德泉均建議王申請當值律師服務，但王指她未能出示資產證明，遭主任裁判官羅德泉直斥「我唔想浪費時間！我用『浪費』呢個字黎形容」，稱王所述資訊並非正確，問她是否需要前往位於法院大樓內的當值律師事務處查詢。惟王又稱對此處律師有所顧慮，被主任裁判官再斥「夠啦下，我話你知忍耐嘅話係有底線」，再次建議她在休庭期間前往查詢，再仔細考慮。主任裁判官最終批准押後案件至 5 月 11 日審訊。

王婆婆今帶同英國國旗及旗桿到庭，並在庭外揮動旗幟，笑言「唔知以後仲有無機會」。揮旗後，王婆婆哽咽落淚稱「會徹底公民抗命，唔請律師、唔答辯、唔求情」，又指「唔要官派律師，法庭保安同警察蛇鼠一窩」，「而家上訴都冇用一定輸」。

未讀畢控方所有文件及光碟

王婆婆今早向裁判官鄭紀航表示，「我精神唔係好好，好多長期病患，血壓好高好高降唔到，警方畀咗成 60 頁紙，好多密密麻麻，我睇唔到咁多。」被裁判官問到「今日睇得完？」，王隨即回應「今日唔可能睇得完」，又指昨日一夜未眠，於居住的酒店大堂準備本案。王續指，「我對法律唔了解，好難記得入腦，要長啲時間」。

王又稱「好多光碟睇唔到，諗咗好多辦法都睇唔到」，指酒店內沒有光碟機，公共圖書館沒有開放，身邊亦沒有朋友協助。裁判官則表示，控方的責任是將所有文件交給她，但查閱光碟須由她親自張羅。裁判官稱「唔係話冇辦法」，指王首兩次提堂均有律師代表，建議她聘請私人律師或尋求當值律師服務。今天沒有律師代表的王則稱，「靠自信以為自己搞得掂，但係畀法律程序搞到好頭痛」，加上沒法證明資產，因此沒有選擇當值律師服務。

稱記錄文件被內地國安沒收　需時找辯方證人

至於答辯，王表示本案發生於兩年多前，「好多野都記唔起，記錄嘅文件好多都喺大陸畀國安收咗」，對聲稱遇襲的保安沒有印象，從來沒有見過她，希望可再觀看全部光碟才決定答辯。另外，王指「仲有好多野需要辯護，我知道我係完全冇做過」，因此想要更多時間尋找辯方證人。

王婆婆在庭上稱「我覺得警方同高等法院保安會有偏幫，希望有個獨立調查委員會」，裁判官聞言即指「呢個唔係我可以協助到你」，並坦言「請王女士慎重考慮搵律師幫助」。王則指「其實有律師話幫忙，但佢哋好忙好忙」，裁判官續言「你話唔想麻煩人係你嘅選擇」，逐將王轉到主任裁判官羅德泉席前安排審訊的日子。

主任裁判官斥浪費時間　「忍耐有底線」

王在主任裁判官羅德泉席前再次表示因資產問題，未能使用當值律師服務。但主任裁判官指出該服務只須入息證明，而非資產證明，直言「唔好自己估人哋係點樣，自己查清楚先」。王及後稱「我好勤力咁咪法律同控方文件，但係我唔記得，身體唔好」，希望將案件押後 3 個月。主任裁判官立即反駁「記憶力衰退嘅話，記憶力 3 個月之後唔會變好，呢個係大家嘅常識」，並問王是否需時到法院大樓內的當值律師辦事處查詢。

王回應稱，「我最近幾次被捕，要求見律師，好多（警方提供的）律師嘅辦事處都係大陸」，故擔心此處律師亦如是。主任裁判官直斥「我唔想浪費時間！我用『浪費』呢個字黎形容」，指若王對該服務有興趣，會讓她先前往查詢，她無須在此自行想像。惟王又指「我唔識佢哋，我知我嘅性格......」，主任裁判官喝止稱「夠啦下，我話你知忍耐嘅話係有底線」，強調王所述的資訊並非正確，並指庭內仍有大量案件需要處理，並將本案排到最後，讓王慢慢考慮。

被告王鳳瑤（64 歲）被控於 2019 年 1 月 22 日，在高等法院大樓地下大堂襲擊胡婉鴻。甫開庭，王婆婆即表示「聽得唔係太清楚」，故須佩戴由法庭提供的助聽器。

案件編號：ESCC2490/2020