「富三代」兼香港電子競技創辦人鍾培生與林作的擂台戰入場門票高達三萬元。藝人杜汶澤昨日（24日）在 FB 嘲「林鍾一戰」是「小丑打交」，其後，鍾培生發千字文否認是「小丑打交」，而是「慈善企業家打小丑」，又批評杜汶澤創辦收費網台《喱騷》，稱「戇鳩鳩輸撚死佢（杜汶澤）呀」。對於鍾的批評，杜汶澤與田蕊妮兩夫婦均各自發帖回應，田蕊妮表示，「我哋背後並無一個好勁嘅投資者，但係我哋有一班香港人，一班好撚愛香港嘅香港人！」。

協助經營《喱騷》的田蕊妮逐點回應鍾培生。她指《喱騷》app 用戶登記人數比鍾培生估算的2萬人多，「恐怕要令到鍾先生你失望！你冇比多左我哋，你係比少咗我哋！」。另就鍾培生對《喱騷》節目內容與數量的質疑，田蕊妮反駁：「節目內容方面，我哋公司並唔係求量，而係精，務求每一個節目出到嚟都係有創意，有質素，並唔係為咗填滿個 air time 而求其拍啲嘢出嚟。」她又為老公杜汶澤護航，「你話杜先生戇鳩輸撚死佢，可能佢係戇鳩啦，但係佢呢一種勇氣同行動唔係人人都有」。

最後，田蕊妮預祝鍾培生與林作的拳賽「大賣唔會輸啦」。 

千字文數《喱騷》問題　林作：輸撚死佢

是次鍾培生大戰杜汶澤、田蕊妮夫婦的口水戰，導火線可說是昨日杜汶澤在 FB 分享有關「林鍾一戰」門票高達 3 萬元的新聞，指林作對戰鍾培生的拳賽是「小丑打交」，反問「有多餘錢，你會去睇有誠意嘅「一秒拳王」，定還是小丑打交？三萬蚊？過夜呀？你估你係雞呀？」

此帖一出，鍾培生即於 FB 發千字文反擊，「唔係小丑打交，係慈善企業家打小丑」，之後就將矛頭指向杜汶澤創辦的收費網台《喱騷》。

《喱騷》成立於 2018 年 3 月，在 Facebook 超過一百萬追蹤，Instagram上有 94 萬名粉絲，Youtube頻道亦擁 62 .8萬訂閱者，曾參與演出藝人包括王喜、黃秋生、盧覓雪等。《喱騷》2020 年 12 月正式轉型為付費電視流媒體平台，提供真人秀等娛樂節目，之前更簽下被控暴動罪的藝人王宗堯。王宗堯成《哩騷》首位包薪合約藝人。另被控涉虛假陳述的港台《鏗鏘集》元朗 7.21 專題編導蔡玉玲，亦有與「喱騷」合作製作節目。 杜汶澤曾表示，希望建立「黃色娛樂圈」，讓港人可支持「靠香港人維生嘅藝人」。 

鍾培生這次在千字文中稱「香港無黃電視, 所以佢（杜汶澤）出黎搞個娛樂平台去解決呢一個問題」，並質疑《喱騷》有許多問題要處理，包括APP 成本、內容、用戶留存等，稱「個平台用唔用到都成問題」。

鍾培生又指，有許多朋友曾建議他跟杜汶澤一齊搞平台。他續寫道：「咁佢（杜汶澤）ego 大就去試，戇鳩鳩輸撚死佢呀」。

田蕊妮：沒有強大投資者，但有好撚愛香港嘅香港人

杜汶澤及田蕊妮其後亦有發帖回應鍾培生的質疑。田蕊妮先感謝「自稱慈善企業家」的鍾培生給予意見。她表示，製作《喱騷》 App 過程中確實遇到不少困難，成本亦相當高，但也從中學到許多新知識，加上後來遇到「一班優秀嘅I.T.團隊」，現正不斷改進，務求令 app 更加完善。

對於資金問題，田蕊妮表示，「當然我哋背後並無一個好勁嘅投資者，但係我哋有一班香港人，一班好撚愛香港嘅香港人！」

鍾培生在千字文中稱「要離開 youtube 再裝（喱騷）app 加比錢，2萬人比多佢」。就此田蕊妮反駁指，「登記人數方面恐怕要令到鍾先生你失望！你冇比多左我哋，你係比少咗我哋！」

另就鍾培生對《喱騷》節目內容與數量的質疑，田蕊妮指出：「我哋公司並唔係求量，而係精，務求每一個節目出到嚟都係有創意，有質素，並唔係為咗填滿個air time而求其拍啲嘢出嚟。」

鍾培生指杜汶澤「戇鳩鳩輸撚死佢呀」，田蕊妮反稱讚杜汶澤「呢一種勇氣同行動唔係人人都有」。她接著寫道：「最後本人亦預祝你同林先生嘅拳賽大賣唔會輸啦！」。

杜汶澤亦有發帖反擊鍾培生，怒斥「我檔嘢好唔好生意使撚話你知呀？我係On9 鍾意開個台拍嘢俾香港人睇你吹撚得我脹呀？你開個嚟睇吓，睇下有冇撚人幫襯你啊！」

旁觀鍾培生與杜汶澤、田蕊妮的罵戰，林作亦分享相關新聞，發帖嘲諷道：「鍾學埋曬林作⁩周圍辣火頭。為師表示：唔錯，有我三成功力」。