據報新任廣播處長李百全認為《鏗鏘說》主持蘇玉華「太黃」，有意邀請民建聯林琳頂替。由第一季《鏗鏘說》起出任主持人、前財政司司長政治助理羅永聰接受《立場新聞》訪問，未評論「換人」報道，指自己未曾聽聞相關安排。

但羅永聰強調，《鏗鏘說》本身一大宗旨是覆蓋各光譜聲音，主持人雖各有背景、風格，同樣追求持平中立，「我（在節目言論）係代表自己，想人認識我，但同樣代表港台，發揮持平中立嘅主持角色，呢個原則對節目好重要，如果唔畀佢繼續（秉持原則），唔單止節目受損，個空間受損，最終港台都會受傷害。」

羅永聰今（25 日）接受《立場》電話訪問，他坦言，自第一季起與節目團隊合作至今，一直感團隊專業，從沒出現任何形式審查，「要我執行（審查），唱好、唱衰，呢啲係從未發生過，團隊冇任何人叫我做呢啲事。」

受訪者遍佈不同界別、光譜

羅永聰續指，節目本身宗旨之一正是涵蓋不同界別、不同光譜，「佢哋（團隊）自己最關注呢樣嘢，爭取唔同光譜都有出鏡機會。」以羅自己為例，訪問對象包括建制背景的曾鈺成、陳婉嫻，同樣包括《十年》導演周冠威、郭臻；娛樂圈中他訪問過一代「女神」周秀娜，最近播出一集《鏗鏘說》，則是羅永聰訪問港大深圳醫院院長盧寵茂。

羅永聰直言，《鏗鏘說》並不是政治節目，「呢個係咪一個政治節目？我覺得唔係，你睇我訪問過娛樂圈、學術界、政圈，呢個節目唔係《議事論事》。」他透露，過往一直由團隊負責擬定受訪人選、發出邀請，再揀選合適主持人及「夾期」。

未曾遇審查　欣賞專業精神

羅永聰透露，節目團隊會幫主持人搜集、預備資料，但從未規限是否要問特定問題、如何提問，他舉例說：「阿聰，你可唔可以唔好提某件事呀？我想話，呢件事亦都從來冇發生過。」羅坦言，個人十分欣賞團隊這份專業。

羅表示，自己是以第二類服務提供者（CAT II）合約，按集接拍《鏗鏘說》，目前已簽約的集數均已拍好，除了有一集尚未播出，其他早前已播出。他透露，目前未簽訂其他新集數合約。