基本法，係唔包一家團圓㗎
大家周末可以扶老攜幼去三代同堂飯聚，好珍惜哩段時光。
好快，大家就唔能夠再一家團圓。
不少上一輩身體都有各式長期問題，加上疫苗接種後出現的各種直接間接甚至無關的死亡個案，導致他們未必希望或者適合打疫苗。
又不少下一代年紀尚輕，根本不能接種疫苗。
如是者一家三口 + 四大長老七人已經肯定絕跡於符合「疫苗汽泡」的食店。
咁大家打算，去一些依然按現時安排，容許兩張四人座並排的餐廳享受家庭時光。
對不起。
可以預見，政府之後會雷厲風行去巡查所有「疫苗汽泡」以外的食店，看有否違反防疫守則。而我們知道，在嚴打底下，執法機關會不管三七二十一，不理這些店是因為空間或人手不足，還是政治理由「抗命」，總之必然矯枉過正。
疫苗汽泡食店去唔到。
其他食店被嚴打至無法營業。
從此，一家出外食飯，只適合以下家庭：
- 已經鐵定絕子絕孫嘅；
- 家未破但人已亡嘅；
- 屋企有部份人已經被囚或者流亡嘅；
- 屋企有部份人已移民嘅；
- 已經離婚嘅家庭；
- 會因為「好嘢，我以後唔 L 使同你老豆老母食飯。」嘅和諧家庭。
各位，請跟我唱一次：
#仍然在呼吸都應該要慶賀
Oh sorry。屋企人係唔可以同你慶祝你活著多好。
我們將失去一家團圓的權利。Oh sorry again — 哩樣嘢基本法唔包㗎。