身在海外，一直透過官方「Viutv World」YouTube Channel 追看 Viutv 節目，壞處是，最新節目要等一星期，才會上載至 YouTube，所以收看節目前，早已被香港方面劇透光了。若不想被劇透，想跟香港同步追看節目，就要出錢買 VPN 服務上官網收看。

這陣子當然在追看《Error 自肥企画》，「遊詐詭」的保錡和Dee的鳳凰不死鳥，我翻看過無數次。追看《Error 自肥企画》同時，我發現了一個有趣現像，就是《Error 自肥企画》在「Viutv World」YouTube 的留言區，成了「全球香港人」報到區。就數《ERROR 自肥企画 》「 EP 7 - 啤．生與死」、「EP 9 - 香港 ERROR 遊」這兩集，就知道有幾多流散各國的香港人追看《Error》：

- 👇🏻加拿大 fans 
- 馬交觀眾報到
- 真係呢個製作組先諗到 d 甘正既節目，主持做得又好，超掂！ 德國粉絲上
- From US！笑到仆街 暫時依集最鍾意😂😂😂
- From Japan 笑到痴左，希望隔離屋唔好投訴我笑太大聲😂
- 意大利報到🙋🏻‍♀️，可摸耳唔好隔成一星期先 upload 呀🥺
- From UK, 報到
- support Error from Sydney 👏👏
- 瑞典斯德哥爾摩報到！
- From Spain 對 Error 中晒毒
- From NZ
- 人住瑞士，要用 vpn 睇 viutv or 上viutv world 睇都唔緊要，我身邊既歐洲朋友睇完呢集同保崎片石之後話個節目好睇 想同我繼續一齊煲 (明明佢地無隻字睇/聽得明架 wor) ，但 .... 大佬呀我一邊睇一邊翻譯好忙阻住我笑，Post 上YouTube 既片(特別係 viutv world)，如果有英文字幕確實做福人群，當然係額外 workload 但真係衝出到香港架。
- 韓國 fans 報到！

突然間發覺，香港本土的電視節目，一下子將全世界的香港人連結在一起。

我很想多點人認識香港文化，我邀請我身邊的英國朋友，和我睇節目，我同時間傳譯廣東話作英文，希望他們明白節目內容，但有些位真的很難翻譯：「打你咩」、「知我咩料啦」、「快吞轟」，勉強譯作英文，也不夠廣東話本身有趣。英國朋友問節目為什麼要「炸生啤」，我也不知怎解釋。但去到有些場面，笑位是共通，例如 Dee 哥鳳凰不死鳥跌落坑，我的朋友看了也笑得人仰馬翻。

另外，第 9 集「香港 ERROR 遊」全集用英文，而且不是「玩嘢式」的 Konglish（即是不講 Jm9 呢類只有香港人明白的英文），我更可以直接給外國朋友看！當然，我不是想節目轉做英文（廣東話很重要），不過 Viutv 可以考慮一下，為自家節目配上英文字幕，試試讓節目傳播得更遠？

到周五晚，《Error 自肥企画》最後一集，因緣際會下我開了 VPN，看了大結局。裡面有一句「大家都去了哪裡？」，說實話，我到這兒，我的心抽了一下。因為過去一年多，在「走與不走」這個問題上，曾經和幾多香港朋友討論 / 爭吵過，走是為留有用之軀 / 是逃兵/是嘆世界？留是愛香港/奮鬥到最後一刻/還是其他原因？在爭吵過程中，我不停問自己，我身不在香港，就代表我不愛香港嗎？就代表我是逃兵？電視上這一句「大家都去了哪裡」是不是問我？

「Error 並唔係唯一戰鬥緊嘅人，只要一日仲留喺呢片土地上，每一個人都用自己嘅方式，喺自己嘅崗位戰鬥，一個人唔會成功，但如果每一個人都盡力嘅話，每一個人都盡力嘅話！」Dee 這樣回答。

如果每一人在自己崗位戰鬥，在海外，又是一個怎樣的崗位，還是沒有崗位？我問朋友，朋友說，香港不只是一塊土地，而是代表一些文化、語言等等，這些是不囿於土地的，這是正確，還是自我安慰？

海外的香港人，我們除了看 Error 節目「自肥」外，是否可以多做一步，發揮海外港人力量，每個人出少少力，將香港的製作介紹給其他國籍人士，可以將 Error、Mirror 等用心的香港藝人推到國際？

「全球力捧 緬甸 越南 蘇丹 伊朗 冰島 新加坡！！！」-《404》Error