「入來呀，入來呀，唔好講咁多嘢，入來搬呀！」「你坐陣先，你叫佢冷靜啲先」地政處人員今（28 日）到馬屎埔村收地，其中一戶區先生一度情緒激動，激動得全身不停震動和喘氣，家人說，他剛中風出院，就面對家園被拆。其妻在旁安撫區先生，好一段時間後，才成功讓區先生冷靜下來，無奈仍避不過即日遷走的命運。

今早約 10 時，地政署人員來到區先生的家門前，向他宣讀通知，指遷出期限已屆滿，要求區先生 15 分鐘內遷出，否則會展開驅逐行動。在地政人員宣讀通知時，有街坊在後方不時說「講下良心啦」。地政職員宣稱，「時間已經到，今日我哋一定要收返呢個構築物。無論如何...俾 15 分鐘你哋，如果你哋唔係呢個時間之內離開，我哋就會收回。」

「你俾 15 分鐘我都係咁，你叫我啲嘢點搬？」區太回應希望可給予更多時間收拾物品。一段來回後，區生突情緒激動，打開閘門，要地政人員入內「拆屋」。「入嚟啊，入嚟搬啊，你鍾意搬乜嘢就搬。」區生說話期間，全身不停震動和喘氣，拉着地政人員著他入內「拆屋」。

其妻在旁無撫區先生，拿出醫療報告訴說區先生上月曾經中風一事。好不容易才讓區先生坐低，喝杯水冷靜下來。此時，該名被拉着的地政人員的態度才稍為軟化，道：「坐係度先，你坐係度同我講啦，好冇？」其後區議員到場交涉無果，地政人員堅持今天內要收地，圍封建築物並截水截電，以及打碎門窗，完成既定的收地程序。

至中午時分，區生及區太將少量物品放上手推車，二人一前一後推著手推車默默地離開馬屎埔村——這個居住了數十年的家。