意思係兩者的影片，在疫症大流行期間，被睇到爆晒。人睇你又睇，佢睇我又睇，WFH 又好，冇 work 唯有搵片睇又好，數據不騙人，影片的瀏覽量激增。

美國媒介企業龍頭 Group-M 已出了年中預測，推算美國的 2021 年廣告使費會比去年上升 22%。本來去年疫患沉重，利潤明顯下調，今次再樂觀也只估計回勇大概得15%，但原來強大的戰鬥力來勢洶洶。

關鍵字是：Social video。

社交媒體上，更多人喪睇各式影片。由 2020 年 2 月到 2021 年 2 月，美國 social video reach 暴增了 55%，是超過一半的升幅！

重點是，大家看 social video 多了，時間長了，而且不同年齡層的上升，都非常厲害。13 至 17 歲的，睇片多了 62%，18 至 34 歲 42%，35 至 54 歲 49%，55 歲以上  52%，平均每個年齡層都達差不多 50% 增長。

如是，紙媒、傳統媒體，再次被社交媒體及 user-generated contents 拋在後頭。

啟示，好簡單，Video contents 的必要，還有 influencer marketing 的效率，已經後浪冚前浪，他們集 contents/media 及 ROI (return on investment) 於一身，完全解釋並預示來年只會更勁，傳統媒體只會更縮。

原文刊於 AM730