《蘋果》昨午（23日）公布，最後一份的實體《蘋果》將提早於今日（6 月 24 日）出版，頭版標題為「港人雨中痛別，我哋撐蘋果」，印刷目標為 100 萬份，是創刊 26 年以來最多。

晚上近 11 時半，已有三十多名市民已在即將第一批收到《蘋果》的旺角亞皆老街報檔等候，包括戴上「FDNOL」黃色口罩的 Calvin。

約 10 時開始排隊的 Calvin 表示，對蘋果被迫結束感到無奈，「（蘋果）仲有現金，又唔係受市民唾棄，又係全港銷量數一數二嘅報紙，但係因為一啲非商業嘅因素突然結束營業，係非常之荒謬」。

他說，近年因為社會事件，訂閱蘋果網上版及不時購買實體報紙，亦特別留起部份特別日子的頭版，包括 6.9、6.12、6.16 等，「有三十幾份，佔咗我間房一半嘅地板。」他形容，實體版報紙是一個不能磨滅的時代見證，「（政權）可以迫蘋果刪除晒所有記錄，但冇可能走來我屋企揼咗份蘋果，實體版係一個歷史嘅見證及記錄，過幾年睇返，到時歷史自有公論。」

上週四（17 日）國安再到蘋果大樓蒐證及拘捕多名高層，Calvin 亦在當日接近凌晨排隊買報，今日更提早近兩個小時到場。他說是要站在現場，重看蘋果網上新聞、動新聞，邊「沉澱下、思考下人生」，希望在《蘋果》的最後一天，繼續支持這種聲音，「唔好忘記發生過啲乜嘢事，之後互相扶持、互相鼓勵！」

檔主表示，今次訂了七千多份蘋果，較早幾日多近一倍，「Last 啊嘛，撐佢哋（蘋果）！」，並預計第一批報紙將在凌晨送抵。