獨立記者自資出版被印刷商拒絕：唔係唔肯印，係唔敢印
港版國安法生效後的首個書展，將於後日即周三(14日）開幕，有出版社表示今年會收起時政書籍，但會繼續售賣有關本地文化的書本。獨立記者M(化名）向眾新聞表示，他有份撰寫的新書，本來預計於書展發售，並趕在書展前完成校對工作，唯大部份書商均表示避免在場內出售「涉及政治」的書籍，最後或需另覓方法對外發售。
M前年亦曾自資出版有關社運的書籍，後來再接觸印刷商，希望能印刷再版，惟被對方直接拒絕：「就算刪除晒有機會犯國安法嘅內容，佢哋都話唔會再做呢方面嘅印刷，唔係唔肯印，而係唔敢印。」
另外，《誌傳媒》今年出版訪談集《開玩笑的夏天》，新書現時在網站預售。《誌傳媒》創辦人關震海說，不少印刷商已拒絕印刷有關2019年反修例運動的相片：「2019年運動嘅相片係好難印，好難過到印刷商，佢哋可能會問可唔可以抽走。」他指自己對本地印刷出版的未來比較悲觀：「可能印埋今年都未必再有得印。」
獨立記者M(化名）前年開始，先後應兩間出版社邀請，撰寫多本記錄香港社運的訪談集，亦曾另與其他前線記者自資出版。今年，其中一間出版社再邀請他，為舊書的再版撰寫三篇訪問，「當時係諗住可以趕喺書展出版，可以approach到最多嘅人」。
他指，新書其實已刪減部份可能觸犯法律的內容，但最後由於書展場內絕大部分書商，都避免出售有關政治的書籍，故新書最後未必能在書展發售。「書展嘅書商盡量都唔想『太政治化』，我唔知所謂政治，係《民族論》嗰種叫政治，定係連關於社會嘅書都唔可以，但據我所知係有啲難度。」
本來撰寫的內容被抽走，他說是無可奈何：「如果你話未有國安法，我當然唔想抽走。用出版社名義出文，都要保障番出版社同受訪者安全，迫於無奈都係要有啲篩選。」
M前年曾自資出版有關社運的書籍，後來再接觸印刷商，希望能印刷再版，惟被對方直接拒絕：「就算刪除晒有機會犯國安法嘅內容，佢哋都話唔會再做呢方面嘅印刷，唔係唔肯印，而係唔敢印。」
他亦有向另一間出版社供文，新書成功出版後，方能收到稿費：「一日出版唔到，一日啲文都係胎死腹中。」稿費其實並不多，但他形容是有種「disincentive to work」，亦擔心將來出版越趨困難，獨立記者更難生存：「 好似做咗好多嘢但無回報，加上心血結晶、或者受訪者嘅故事，寫完都出唔到街，係好可惜。」
誌傳媒今年出版訪談集《開玩笑的夏天》，訪問了26名不同家庭、身份的人，描寫中港矛盾之間的縫隙，新書現暫於在網站預售。創辦人關震海說，由於新書是由《誌》直接負責出版，故過程未有阻滯，但透露有關社運的照片，現在已難以印刷：「2019年運動嘅相係好難印，好難過到印刷商，佢哋可能會問可唔可以抽走。」
「印刷我係比較悲觀，可能印埋今年。你話有冇禁區呢？係有禁區，2019年係禁區，關於2019年，你可以講你嘅意見，但訪問就難啲，相片已經唔得，唔可以有遊行示威、名嗰啲嘢 。」
對於記者或供稿人的文字，他說自己盡量不想刪減或修改，將來若過不到印刷商那關，會考慮在外國印刷：「如果香港搵唔到任何印刷廠幫我印、數碼印刷都唔得，我咪走去外國到印囉，我唔會因為印刷唔畀印而去刪減嗰件事。」
觀看原文： 按此連結