香港言語治療師總工會主席黎雯齡及外務副主席楊逸意，因「羊村」兒童繪本被指串謀刊印煽動刊物還押至今。據《立場》報道，工會上……

香港言語治療師總工會主席黎雯齡及外務副主席楊逸意，因「羊村繪本」被指串謀刊印煽動刊物還押至今。眾新聞今日取得工會上周收到、來自職工會登記局的信件，獲告知10月13日將會被「DQ」工會登記，理由是「工會正被用作與其宗旨或規則抵觸的用途」，違反《職工會條例》。

職工盟昨日轉載黎雯齡的獄中書，她在信中提到「好感激每日都有人嚟探我，每日下晝都好期待姑娘電話響同嗌我number，真係好開心，好多謝大家冇忘記我。」她說每一次書信都是接通世界的橋樑，信入面一字一句都很有重量。

黎雯齡在信中感言，她發現在獄中無人可以傾、無人可以給予意見，在有限資訊入面做決定很困難，但看到支聯會副主席鄒幸彤在高院獲保釋的文章，令她重新審視入獄的意義，以至如何看待自身的處境。「其實，你問我有冇被捕心理準備，係有嘅。就好似押我上庭個警察，佢都有問我有冇諗過變成呢個後果，然後佢再補一句：『不過你呢啲人係為信念㗎嘛，係咪？』」

她問道：「有心理準備等唔等於我做嘅事就係錯呢？或者我入嚟真係入得太匆忙，以致呢十幾日，個心態都係『早坐早着……橫掂都係法治已死，坐硬㗎啦』令她忽視整個被捕、上庭、還押嘅過程，本身係咪符合公義。」她坦言：「呢幾日我係坐得好安逸，每日都係食、瞓、痾、睇書信、睇報紙。雖然分唔到係真係好安逸，定係自己都呃埋自己，但似乎安逸、認命真係會令人放棄喺危難入面思考。」

她提醒自己，即使身陷囹圄，都不能夠放棄思考，一旦習慣，就會放棄掙扎，令本身屬於自己的權利都放棄，絕對非常危險。「放眼而家嘅社會，現實固然越嚟越殘酷，但心態能夠影響我哋點樣看待呢個社會同現實。肉身能夠被囚禁，但思想唔可以，但願我哋都能夠守住心入面嘅一片淨土。」

香港言語治療師總工會上周收到被「DQ」的信件。


觀看原文： 按此連結