【何韻詩個唱取消】阮民安演唱會同受壓 嘆立場鮮明藝人猶如「死亡」
歌手何韻詩原定下周在香港藝術中心壽臣劇院舉行演唱會，惟突然被取消場地預訂，被逼取消演唱會。積極參與反修例運動的歌手阮民安，將於下星期四及五在旺角麥花臣場館舉行演唱會。他向眾新聞表示同樣受到巨大壓力，但拒絕透露具體內容，僅稱：「都係大家聯想到嘅原因。」他稱已有心理準備，演唱會未必能如期舉行。
擔心未能舉辦演唱會 已有最壞打算
他坦言擔心最終未能舉辦演唱會，畢竟並非個人能掌控，已有最壞打算。但他仍然希望「頂得一日得一日」，別令支持者失望。「一日未開到場，一日都有（取消演唱會）呢個機會。變數太多，我每一日都同唔同嘅部門聯絡、接觸緊，而家exactly個答案係點，我真係答唔到住。」
阮民安憶述，由2019年9月至今年5月，不斷四出申請場地辦演唱會，幾乎能接觸的場地都有聯絡，但全部被拒。他表示拒絕的理由五花八門，例如碰巧那幾天場地維修、要翻新座椅等，慨嘆「好似『阮民安』3個字就租唔到場」。
惋惜何韻詩或再沒機會在港演出
對於今次何韻詩演唱會突然被取消場地預訂，阮民安直言一眾立場鮮明的藝人已再無空間，猶如死亡。「話俾大家聽，我哋比較有立場嘅歌手、藝人，唔會再有演出、娛樂空間，只不過係到你未。今日係阿詩，那怕聽日可能係我，後日可能係其他人。我見到嗰樣嘢係死亡，唔係收窄。」他又憂慮，往後大部分電影、歌曲等都會經過過濾。
阮民安批評，今次決定明顯是政治打壓，認為不論是何韻詩還是其他藝人，在舞台上並非想宣示立場，一心希望演唱，其實十分溫和。「我哋上到舞台其實就係想表演，好簡單㗎咋。但而家每一樣嘢都會同政治有關，佢哋就會變得唔簡單。」
他又惋惜道，作為一個歌手，最渴望是在香港演出，但何韻詩似乎再沒這個機會。「可能好多人提議喺唔同地方（辦演唱會），但香港始終係我哋嘅根，我哋每一個歌手，都好希望每一個演出都喺香港做，做返俾香港人睇。但係可能未來，都再睇唔到何韻詩有咁嘅機會，其實係好傷心、好殘忍。」
歌手何韻詩今日宣布，昨日收到香港藝術中心以場地租借合約之條款為由，臨時取消其場地預訂。該條款指，若場地租用者將未能遵守租借條款的規定，或表演過程中將危害公共秩序及公眾安全，中心可在無須通知下終止場地預訂。演唱會原訂於9月12日的場次舉行網上直播，直播將會如期於當日晚上8時舉行。
觀看原文： 按此連結