科學委員會倡索數據降科興接種門檻至12歲 劉宇隆：唔拘泥於第三期數據
衞生署衞生防護中心轄下科學委員會今日建議，政府應向科興索取更多數據，然後就可將接種門檻降至12歲。疫苗可預防疾病科學委員會主席劉宇隆，引述中國內地、印尼、柬埔寨及智利青少年接種科興的數字，認為本港亦應盡快走完下調年齡門檻的程序。劉又指，有3至4成的學生或家長想打科興疫苗，認為下調門檻後可提供多個選擇。
至於未有第三期數據的問題，劉宇隆稱：「（其他地方）用咗咁耐時間、咁多劑量用咗，而唔係狗（拘）泥於第三期。第三期當然係金標準，第三期好容易去作出一個結論，但係第三期嘅好處亦係佢嘅弊處，因為第三期好嚴謹挑選係咩人接種、咩人唔接種，點樣排除，所以所有第三期都唔可以將呢個疫苗同（另一個）疫苗對比，我諗呢個好難使到記者哋或者市民明白。」
衞生署衞生防護中心轄下疫苗可預防疾病科學委員會，以及新發現及動物傳染病科學委員會今日開會。會後，兩個委員會的主席劉宇隆、許樹昌聯同衞生防護中心總監林文健見記者。
中學生無乜choice成疫苗注射困局
劉宇隆指，兩個委員會開會後認為，政府應向科興索取更多青少年接種數據，以便盡快將本港接種門檻降低，他指會上無人提反對。他形容，降至12歲是解決當前困局：「個困局就係中學生打疫苗，因為得一個（復必泰）叫做無乜choice，已經打到6成，我哋都知道大概3成到4成嘅家長同青少年想打科興。所以用呢個作為一個針對目標，希望第一步就係下調到12歲。」
至於會否進一步下調，例如智利的6歲、中國內地的3歲，劉宇隆就指希望等到科興11月份的第三期數據再決定。他指，科興現正於南非、智利、菲律賓、馬來西亞、肯亞進行第三期青少年接種研究，「根據我哋手頭嘅資料，佢哋11月鬆啲會有（數據）。」劉宇隆又表示，審視科興現有數據，12至17歲接種後出現的不良事故，與成年人無太大分別；並指3至17歲的研究發現，青少年抗體水平比成年人更高。
換句話說，即使在未有第三期數據前，政府仍有可能將科興接種門檻降低至12歲。劉宇隆說：「其實你諗真啲，由2月幾到而家，其實喺香港政府架構裡嘅Advisory Panel，科興當時都仲未有第三期數據，都已經批准咗俾成年人，尤其是俾老年人（接種），係做過嘅，呢個舉動係做過。」
巴西叫停購科興 一個好複雜的國家
他並指，不應拘泥於第三期臨床測試數據，「因為第三期好嚴謹挑選係咩人接種、咩人唔接種，點樣排除，所以所有第三期都唔可以將呢個疫苗同（另一個）疫苗對比，我諗呢個好難使到記者哋或者市民明白。」
被問及巴西作為科興臨床測試國家之一，現已叫停購入科興，劉宇隆答得含糊：「巴西係一個好複雜嘅國家，如果記者們有跟到巴西嘅政局，點講呢，巴西係一個好大嘅國家，好多唔同州，Sao Paulo就係其中一個一開始同科興公司做咗好多研究，嗰邊嗰個……點講呢，嗰邊會覺得疫苗都係唔錯，因為到最終，我們唔係要無感染，因為唔會走嘅，一定會有感染，只要保護重症、死亡達到某一個水平就可以接受。」
建議12至17歲只打一針復必泰
劉宇隆又表示，由於至今錄得37宗青少年接種復必泰後出現心肌炎、心包炎的個案，並考慮到英國、挪威都有只接種一劑的安排，故決定建議政府：12至17歲青少年接種復必泰的話，只需接種一針，打針部位並可選在手臂或大腿。
他指，37宗個案當中，有30宗（約81%）是在接種第二針之後病發，而且接種日與病發日相距中位數是2日，外國青少年接種研究亦已確認復必泰的副作用包括心肌炎、心包炎。劉宇隆後來補充回應本港這37宗個案是否與疫苗有關，說：「我只能夠講！佢打完針之後第2日，絕大部分第2日出現嘅。」
被問到建議青少年接種兩劑復必泰是否「mistake（錯誤）」，劉宇隆回應指作出決定時是基於當時最好的證據（the best availiable evidence），這樣看來就顯然不是錯誤的建議。劉宇隆續指，希望傳媒不要誤導、歪曲，損害（jeopardize）疫苗接種率。
記者會最後，劉宇隆說：「今日我哋嘅重點唔好失焦，就係千方百計要老人家嘅接種率提升！提升！提升！細路仔快啲諗方法俾佢復課！復課！復課！」
觀看原文： 按此連結