【迷你倉死因研訊】死者重複入橫巷「搵嘢」沒跟隨離開 拍檔坦言感恐懼爆粗叫撤離
【研訊第17天】
2016年九龍灣淘大工業村時昌迷你倉大火導致兩名消防員殉職，死因研訊今續。死者張耀升的拍擋尹建偉供稱，當日死者在火場內走進橫巷「左轉右轉，好似搵緊嘢」，拍檔不知原因，試圖帶死者撤離，惟死者意識清晰表示「OKOK」，沒跟隨離開，而是返回橫巷重複同一動作。拍檔感恐懼及不適，爆粗叫死者一起撤離，張再表示「OKOK」後，同樣沒跟上來。最後拍檔衝出火場求救大喊：「張Sir喺裡面未出嚟，快啲搵人入去幫佢！」拍檔作供期間情緒激動，休庭時一度掩臉低頭、泣不成聲。
【迷你倉死因研訊】結集
殉職高級消防隊長張耀升的拍擋、時任消防員尹建偉今繼續作供，指2016年6月21日、即起火當日，兩人在沒有煙火特遣隊陪同下入場救火，其間尹的鐵筆滑落，他整理過後發現張已走遠，兩人相距約5米。
死者身旁及頭頂有大火「好似俾火包圍」
尹指，當時他身處1號主走廊，該處的煙霧不算大，視野算清晰，他看到張在3號橫巷內不停高呼求救，「我唔肯定佢係嗌『Ray（尹的洋名）呀』定『喂呀』，但佢當時嘅狀態係半踎，左轉右轉，好似搵緊嘢。」張原本握著的消防喉筆則不知所蹤。尹形容，當時張「好似俾啲火包圍住咁」，身旁有火焰，頭頂近天花位置亦「好大火」，但他沒被火燒。
尹認為情況非常危險，遂立即用左手拉起消防喉，並進入橫巷，用右手拉張出去主走廊，「佢有意識同我一齊出嚟，我唔洗用力拉佢」。返回主走廊後，尹向張表示：「阿Sir，條喉喺度，定啲嚟，唔好慌，我哋出返去先。」張意識清晰地回答：「OKOK。」
「阿Sir！唔X好再玩啦！出返去啦我哋！」
尹指，由於走廊狹窄，故他先轉身向火場出口撤退，張則緊隨其後。但走了幾步後，尹發現身後沒人，指張返回3號橫巷位置「做返相同嘅嘢，又喺度大嗌『Ray呀』定『喂呀』」，好像在找東西。 尹於是再回去拉張，張再次有意識地跟隨他出主走廊，說「唔使我用力拉」。
尹自言當時感緊張，故語氣稍重再次向張表示：「阿Sir！唔X好再玩啦！出返去啦我哋！」張再次有意識地重申：「OKOK。」尹指，當時視野及能見度清晰，但他感到很熱、呼吸困難、心跳加速及恐懼，直言入職以來未遇過3號橫巷般的高溫度，故認為必須撤離。
拍檔哽咽：我有諗過再返去搵佢
尹遂再次朝出口走，速度比上次撤離快，「因為我狀態唔太好，感覺好辛苦，同埋開始自己有啲慌亂」。惟他走至1號橫巷時，再次發現張沒有跟隨，哽咽謂：「我有諗過再返去搵佢，但我覺得未必做到呢件事。當時我真係好驚，開始迷失方向，因為唔見咗佢之後，個人開始亂。」
尹憶述，幸好他在附近發現了一名煙火特遣隊（CFS）隊員，遂立即查問出口方向，對方指示他跟隨鼓風機方向走，「跟住我知道鼓風機位置後，就衝出去」。根據閉路電視片段，兩人當晚7時02分進入火場，尹於11分鐘後衝出來。
尹指當日一衝出門看見上司翁錦雄便立即大喊：「張Sir喺裡面未出嚟，快啲搵人入去幫佢！」然後便因體力透支而躺地。數分鐘後，入口指揮官霍永鴻查問張的位置，尹表示自己在1號橫巷回頭時，才發現張沒跟隨，不肯定張的確實位置。
激動作供休庭期間泣不成聲
尹續憶述，他逃出火場後「好攰、冇感覺」，有同袍將他拉出防煙門後休息，他一見人就大喊：「唔該你幫我搵返張Sir出嚟！」此時，死因裁判官黃偉權見尹的情緒激動，遂下令休庭讓他休息。然後尹在證人枱掩臉低頭，一度泣不成聲，需由同袍安慰。
其後尹續供稱，他在2樓休息期間，仍然感到很熱、心跳很快，並且手指疼痛。近9時，尹返回地面會合長官張振毅，並由張陪同登上救護車，送院途中得悉張耀升失救不治。翌日凌晨約1時，尹返回消防學校參與心理輔導研討會，當時他仍覺得很熱。
三級燒傷須做死皮切除手術 庭上展示指頭現「冇乜指紋」
凌晨約3時，尹到急症室求診，診斷指他右手指頭一級燒傷。惟洗傷口後情況沒有改善，故兩天後他再去急症室求醫，被轉介至威爾斯親王醫院燒傷部，並被診斷為三級燒傷，須接受死皮切除手術。
尹在庭上展示右手，表示其指頭現已「冇乜指紋」，食指因削除了較多皮膚，故指頭較尖。他估計，因當日曾在火場內兩度用濕漉漉的右手捉緊張耀升，「可能hold（捉）住太耐，好似煲滾咗啲水灼緊隻手指，啲熱力傳入我手指頭」。
不知張為何重複入橫巷 火場對答沒異樣
尹又指，不知道為何張耀升兩度去3號橫巷「搵嘢」，坦言「我都想知點解」，不肯定他是否在找喉筆；而張與他對答時說話清晰，表情沒異樣，精神亦不呆滯。他不知張有否在橫巷中迷路，惟認為火場高溫及身體虛弱，加上間隔複雜，令人更難識別方向。
尹在時昌代表大狀梁家欣查問下表示，他第二次拉張出主走廊時，感到有點中暑徵狀，包括氣促及疲倦，但未至於神志不清。尹又指，張的對答清晰，不覺有任何中暑徵狀；他曾研究撤退時由張走在前方，但因張對答清晰而作罷，「覺得佢會跟住我（後面）」。
尹昨供稱，他與張均隸屬坍塌拯救專隊（USAR），駐守消防學院並主要負責教學工作，較少接受滅火訓練及參與救火。行動前，時任助理消防區長溫錦明訓示指火場間隔複雜，盡量不要進橫巷。
案件編號：CCDI333-334/16
觀看原文： 按此連結