≪這是一篇電話無電和避免近視過深衍生的觀察日記≫
低頭思電話渡過車程已是香港人常態。
先告解，因為Macbook pro的retina害我近視又深百度，比起甫坐下馬上捧起電話上連登看羨青看憤世文，近來我獨愛觀察一下車廂眾生相，有時候也會偷看到別人捧起電腦上連登，黃雀在後的不小心，不小心。
原來十點往紅磡車廂一定有位，原來港島線的校服很好看，原來北角站轉車時間是預好的，原來鑽石山都要輾轉轉車，土地規劃廢到。原來尙有兩星期就DSE，文學JJ努力背≪死水≫。原來東海堂開始多人。
「BB呀我地食咩好，銅鑼灣啲嘢我地都去過曬喇，不如我地呢度落食omakase？」「喂女呀，今晚翻唔翻黎食飯㗎？哦你出去同佢地食呀，小心啲啦唔好咁夜翻。唔好飲酒呀，翻嚟飲湯啦。」「係呀Lucy，你幫我book好餐廳俾我同羅生啦，四月十七。」
有時有青春少艾又可愛的尷尬大頭情侶wallpaper，有時父母輩又會有Ma丁丁g0r型簡體字加奇奇怪怪的標點，有時候又會有職場花生，辦公室又有人拍拖，又有人臭西難頂。有時候又有電子捉姦的戲碼。
披星戴月造紙的日子，你們都已有愛人。我孑孓一人修煉觀察入微的把戲，好讓下齣屬於我的情節會被另一位觀察入微的靈魂記載。
慶幸我剩下兩個星期才踏入社會的空隙，每到這個時候想起的只是希望永續學生身份。你們應當珍惜每個關係，心存善念。青春時期認識的所有夥伴都是值得記入你的史書。
「今晚食咩好？」
「想食牛雜同糯米飯。」我自言自語。
時光老人請再慢慢行，我還未長大。
按：點解而家啲中學生都講咁多普通話，我寧願佢哋講多啲英文都唔好講咁多支那話，好撚難聽。