另看跟進報道：〈何君堯斥《大叔的愛》推廣「無孩」違國安法　同志團體：不育夫婦違法？〉

近日 ViuTV 同性愛情喜劇《大叔的愛》引起熱話。建制派立法會議員何君堯今日出席一個書展講座時，就以「糖衣大麻」比喻該劇，批評劇集與中國傳統文化背道而馳。他又指中國要推動三孩政策，「你就要推動嗰啲無孩家庭，咁完全係背道而馳，違反咗中國國安法」。

由中聯辦操控的商務印書館，今年在書展出版《在黑夜點燈——香港這一年：不能忘卻的他和她》，由《亞洲週刊》副總編輯江迅撰寫，記錄 6 位反抗「黑暴」的「點燈人」故事，出版社今早在書展舉行新書發佈會暨論壇。

何君堯今日在活動上發言時，提到近期大熱的劇集《大叔的愛》，形容「食糖食得多你都會糖尿病，更何況呢隻唔係糖，係糖衣入面包住大麻。」他指推廣同性戀是違反中國國安法，「我哋唔係針對或者歧視任何性取向，但係我冇責任將佢推廣。而中國傳統價值同家庭觀，係一男一女。我哋而家就係要推動三孩政策，你就要推動嗰啲無孩家庭，咁完全係背道而馳。違反咗中國國安法，需要弘揚中國傳統文化，防止不良思想。」

何君堯亦在論壇上點名批評明年舉行的同樂運動會，指是「披着羊皮嘅一隻比 2019 年還要凶險嘅一隻狼，朝著中國人社會價值觀、家庭觀，直接喺核心裏面爆出嚟。」

本地同志組織將於明年舉辦國際體育賽事「同樂運動會」（Gay Games），活動已獲投資推廣署、旅發局等支持，並稱可以帶來 10 億元經濟收益。何君堯上月在立法會上斥活動有失體面，擔心「上床掀被冚」，辦完同運會後，下一步就爭取同性婚姻合法化。他認為政府不應插手活動，「我亦唔想賺呢啲污糟錢，呢十億元，要唔要都罷！」

撐警茶餐廳老闆李凱瑚發言時情緒高漲，稱「你可以忘記李凱瑚呢個人，但唔好忘記香港警察。我想做警嫂！」引來全場拍掌歡呼。「建制 KOL 」高松傑憶述反修例運動期間「清理」連儂牆，表示「就算我條命都冇埋，我都要清潔、還原！要捍衛中國人尊嚴！」