澳洲選手 Ariarne Titmus （左）在今日比賽以 1:52:50 首名衝線，奪得金牌，她早前在女子 400 米自由泳賽中奪金。右為港隊何詩蓓（右）。（圖片來源：Laurence Griffiths/Getty Images）

港隊東奧再下一城! 港隊女泳手何詩蓓（Siobhan Bernadette Haughey），在奧運女子200米自由泳決賽游出 1:53:92，奪得銀牌之餘，亦打破亞洲紀錄，僅僅以半秒之差落後於奪金的 20 歲澳洲游泳新星 Ariarne Titmus（另見報道）。 何詩蓓在賽後指，張家朗摘金令她知道努力都可以有成績，「以我同張家朗今屆有好好嘅成績，希望推動比緊賽嘅運動員加油；希望喺屋企睇緊嘅香港泳員，繼續努力訓練，因為之後就係到你哋㗎啦」。

多次與獎牌擦身而過   「而家終於有、都好開心呀!」

5 年前奧運去到準決賽，何詩蓓當時與自己許下願望，希望下屆奧運可入到決賽，「2017 年世錦賽第 5 ，2019 年世錦賽第 4 ，次次好似同獎牌都差好少咁，而家終於有(獎牌)都好開心呀!」她又指張家朗摘金對她一定有影響，因為看到對方辛苦訓練而有成就，「知道我努力都可以有好嘅成績」。她感謝教練及父母，「無佢地唔會有我今日成就」。

何詩蓓﹕而家就係表演嘅時間

首次入奧運決賽即以亮麗成績摘銀，並與多名國際猛將競賽，「 好興奮我真係可以被視為其中一位世界最 top 嘅 swimmer (泳手) !」何詩蓓亦透露等候出賽時比較冷靜，因為知道自己付出的努力有多少，「而家就係表演嘅時間」。

籲支持香港運動員

被問到有甚麼話想對香港人說，何詩蓓指籲大家繼續支持香港運動員，「可能你哋見到嘅就係台上，我哋比賽嗰幾分鐘，如果幸運嘅去到頒獎台，咁 glorious moment （輝煌時刻），可能大家見唔到我哋背後好努力嘅訓練機會」。她亦希望大家培養對運動的興趣，繼續發展，並希望香港在未來國際的賽事有更好成績。

摘銀後的晚上，何詩蓓未及放鬆，就要準備今晚的女子 100 米自由泳預賽，她指回去要先按摩、補充體力，及午睡一會。

【再奪獎牌】港隊飛魚何詩蓓女子 200 米自由泳摘銀牌　再創港泳隊歷史https://thestandnews.page.link/UW1pvWuj9ZVgRiRH7

女飛魚 15 歲起出戰國際賽　保持 28 項香港紀錄
https://thestandnews.page.link/PMW27Sc2q2bkau4i8

【一文認識何詩蓓】港隊前總教練大讚：終會成為世界級選手
https://thestandnews.page.link/tmRzVVxREXBYfEr17

【東京奧運不斷更新】何詩蓓歷史性摘銀　羽球混雙鄧謝配晉四強
https://thestandnews.page.link/eFrZW1U86WWABWPi9