葉鴻輝於IG發文。（e_yapp IG 截圖）

香港羽毛球「一哥」伍家朗早前受民建聯穆家駿譴責，引起一場「球衣風波」。伍家朗於昨日（28 日）東京奧運羽毛球男單分組賽，不敵危地馬拉選手哥東 (Kevin Cordon)，無緣躋身 16 強。不少運動員發文力撐伍家朗，港隊門將葉鴻輝昨於其 IG 表示，有些人花一生努力，可能只為參加一次國際性運動會，為香港出戰，「唔支持唔緊要，但係唔好破壞」。

葉鴻輝昨（28 日）於 IG 表示，「有啲人做既野好簡單，㩒幾個制去搶 Fo 出位，個啲人叫小薯。有啲人花一生努力，為既可能只係參加一次國際性運動會，為（香港區旗圖示）出戰，依種人係（香港區旗圖示）運動員。唔支持唔緊要，但係唔好破壞。」

另外，前足球先生、前港隊鋒將陳肇麒昨日亦於 FB 支持伍家朗，他稱：「伍家朗，錯不在你。加油！全香港人都撑你！」並附上 Hashtag 文字：

「#一段文字影響左人幾年嘅努力
#某人我__你啦
#香港運動員加油
#徇眾要求
#黎食飯我照請」

而伍家朗於 IG 表示，「所有支持者既信息，我全部都有睇，我全部收到晒，好感動好窩心，我知道我並不孤單。或者有啲人注定就係做悲劇既主角，我一定會企返起身，不過需要啲時間」。女子跳高運動員楊文蔚留言鼓勵：「加油呀，It's not the end!!!!!」

伍家朗出戰東京奧運，未獲球衣贊助，因此自行準備運動衣出賽，遭民建聯成員穆家駿狙擊，批評他穿黑色衫、衣物無印有區旗，更有人指「如果不想代表中國香港，請選擇退賽！」於昨日的羽毛球男單分組賽第二場，伍換上印有區旗標誌的綠白色球衣作賽，但不敵危地馬拉選手未能晉級 16 強。穆家駿在開賽後不久發文，稱樂見港隊「袍甲鮮明」，穿着有香港特區標誌的運動服在奥運賽場出戰，又稱自己當日評論因「一時情切」，為「語氣有點過重」表示歉意。