在球衣風波陰霾下，港隊羽毛球「一哥」伍家朗昨日( 28 日)在奧運分組賽落敗予排名較低的危地馬拉選手，未能晉級，賽後承認「心情冇（受球衣風波）影響就假嘅」，不少網民要求民建聯成員穆家駿道歉。不過，民建聯元老紛紛力保這名黨員，民建聯創黨主席曾鈺成受及現任主席李慧琼均指，穆家駿「道出部分事實」、「有他的道理」。中大政治與行政學系高級講師蔡子強指出，二人的言論是怕民建聯失去「深藍板塊」支持，加上中央鼓吹戰狼作風，故只可用較「溫吞」的處理手法，「既唔會堅持自己做得啱，又可以婉轉地將件事定調為唔好影響運動員維港爭光」。

民建聯屬建制派政黨中間　或遭受兩邊夾擊

蔡子強接受《立場》訪問時認為，曾和李的言論是為怕失去「深藍板塊」支持，「一方面佢驚得晒啲深藍嘅支持者，所以佢同昔日嘅民主黨都差唔多，民主黨喺民主派光譜嘅中間，民建聯又係建制派政黨嘅中間，所以兩邊都會有種情況遭受兩邊夾擊」。

蔡續指，近年建制派內有「深藍板塊」崛起，代表人物是何君堯，「好多人都想參與深藍板塊分一杯羹，攞到支持」。但另一方面，民建聯又不能完全對穆的言論不作表示，故李慧琼亦指穆家駿的語氣「重咗」，「但話要佢係一個高姿態、力度大嘅道歉，我相信佢就驚得失左一啲深藍板塊嘅支持者，因為選舉制度變咗，佢嘅選舉壓力都冇以前咁大，所以我相信未必會帶一個好強力度嘅道歉」。

怕得失「深藍板塊」　被「告狀」不願鬥爭

被問到民建聯已在選舉中「坐穩」，為何仍要取得「深藍板塊」支持？蔡子強認為，「深藍板塊」不只是對選舉有影響，而是未來民建聯的發展。他解釋，若民建聯要取得北京信任，加上中國現時鼓吹「戰狼」政治作風，或會擔心深藍板塊向北京「告狀」，投訴民建聯不是甘願鬥爭的政黨，有違中央的政治路線。

蔡續解釋，「北京係一個戰鬥格，好多都要敢於鬥爭，深藍板塊就大受鼓舞。所以如果（民建聯）得失左深藍板塊，會唔會導致咗輿論對佢不利甚至告禦狀？」但同時民建聯亦要面對選舉，故他們只可用較「溫吞」的處理手法，「既唔會堅持自己做得啱，又可以婉轉地將件事定調為唔好影響運動員維港爭光」。