圖片素材來源：Chan Yuen Ting - 牛丸 Facebook

香港男子羽毛球「一哥」伍家朗，在東京奧運作賽期間，因球衣被民建聯穆家駿譴責。其後伍家朗在分組賽，不敵危地馬拉選手，失落躋身 16 強的資格，東奧征途就此結束。繼港隊門將葉鴻輝及前足球先生陳肇麒力撐伍家朗，再有多名運動員開腔，其中號稱「牛丸」的足球教練陳婉婷今日（29日）不點名批評穆家駿，「一個人究竟要幾黑心、幾卑俗、幾膚淺，先會用衣服的顏色去批評一個代表自己地方既運動員？」

曾帶領香港足球隊東方奪得港超聯冠軍、足球教練陳婉婷「牛丸」，今日（29日）在 Facebook 發帖，並上載一張身穿黑衣黑褲的全身照，指衣服顔色並沒有影響與内地的團隊合作，「無論我果日著咩衫褲，內地的同事都沒有戴有色眼鏡睇我」、「人與人之間，其實最緊要係信任。」

陳婉婷又不點名質疑引發球衣風波的穆家駿，「咁一個人究竟要幾黑心、幾卑俗、幾膚淺，先會用衣服的顏色去批評一個代表自己地方既運動員？」她又以 Hashtag #每日都好感動 、#感謝每位運動員、 #我們的驕傲，支持在東奧作賽的香港運動員。

來到了一個山區地方，準備接受新的挑戰！無論我果日著咩衫褲，內地的同事都沒有戴有色眼鏡睇我，更讚我頂帽好融入當地既山區生活🤣 我地既制服也有派黑色衫黑色褲，大家都著得好舒服，亦合作得好好。人與人之間，其實最緊要係信任🤝 咁一個人究竟要幾黑心、幾卑俗、幾膚淺，先會用衣服的顏色去批評一個代表自己地方既運動員？？ #每日都好感動 #感謝每位運動員 #我們的驕傲

由 Chan Yuen Ting - 牛丸發佈於 2021年7月29日星期四

香港足球隊員梁冠聰亦同樣在 Facebook不點名批評穆家駿，「連一個運動員最基本需要嘅嘢你都唔知道，就趕住衝出嚟3456」,並諷刺其「幾驚你整張大Banner話成功爭取伍家朗著區旗衫」

幾驚你整張大Banner話：「成功爭取伍家朗著區旗衫」 連一個運動員最基本需要嘅嘢你都唔知道，就趕住衝出嚟3456，多謝全力爭取影響運動員表現。 唔好意思，語氣重咗啲 #DLLM

由 Rio Leung Kwun Chung 發佈於 2021年7月28日星期三

 

另外，港隊門將葉鴻輝及前足球先生陳肇麒，較早前亦分別在 IG 及 FB 開腔撐伍家朗。其中葉鴻輝提及，有些人花一生努力，可能只為為香港出戰一次國際性運動會，不點名批評穆家駿「唔支持唔緊要，但係唔好破壞」；而陳肇麒則以 Hashtag 表示，「#一段文字影響左人幾年嘅努力、#某人我__你啦」。（另見稿）

伍家朗 24 日出戰東奧首場賽事時，因身穿黑色運動衣作賽，慘遭民建聯的穆家駿狙擊。穆家駿在昨日（28日）第二場分組賽開始後，發文稱對當日「語氣有點過重」的評論表示歉意。惟換上印有區旗標誌的綠白色球衣，參與賽事的伍家朗，最後以直落兩局，大敗危地馬拉選手，無緣 16 強。