農曆七月初一「鬼門開」　藝術家辦「百鬼夜冷」市集　「一場避世而地下的糜爛派對」

農曆七月十四盂蘭節，俗稱「鬼節」。傳說，農曆七月初一便會「鬼門開」，鬼魂重返人間，接受人間香火。今年，藝術家劉學成策劃《百鬼夜冷》市集，當如「避世而地下嘅糜爛派對」，邀請公眾一起來「等佢鬼門開」，他表示，古人都會借鬼去比喻、嘲諷當時的民生或官場環境，「喺而家香港呢個世代，好多事情都不能說明，咁就借鬼去盡情表達喇！」

喜好靈異題材的劉學成，多次舉辦「鬼故導賞團」，藉著靈異故事解說傳統文化和社區歷史，例如：《遊離朗蕩四圍走盂蘭神功講故戲棚》等。他向《立場》表示今年社會環境所限，「一大班人喺街度遊走，應該會有啲麻煩」，所以轉到室內活動，「嘗試新嘅模式去同觀眾互動，亦都比到一啲新鮮感大家。」

常與鬼魂玩遊戲，劉學成指自己擁有靈異體質，有時都會「見到一啲靈異嘅東西」，並融入創作之中，帶出如幻似真的感覺；同時，他認為今時今日在香港講鬼故別有意思，「古人都會借鬼去比喻同嘲諷當時嘅民生或官場，喺而家香港呢個世代，好多事情都不能說明，咁就借鬼去盡情表達喇！」

《百鬼夜冷》將於本周六（8 月 7 日）在上環一間畫廊舉行，共有大約 25 檔地攤，售賣個人創作、自家舊物、二手衣物、手造首飾等。劉學成透露，當日安排 Van 仔貨車駛入畫廊當成臨時舞台，歡迎觀眾上車唱 K，嘉賓不定時前來演唱。

活動雖然以市集為主體，但劉學成希望觀眾「當係去咗一個party或者係去睇一個展覽」，「參與一場避世而地下嘅糜爛派對」。他認為，大眾都可能「辛苦咗一段長時間，心情有啲唔開心或者壓力」，《百鬼夜冷》悠閒寫意又頹廢，所以邀請大家以「人生中最霉嘅一個look」前來放輕鬆，參與這個由「外間認為係廢青嘅年青人」所辦的活動，「聚埋一齊開心快活」。

《百鬼夜冷》

日期：2021 年 8 月 7 日
時間：下午2時至午夜12時
地點：上環新街市街23號
登記：https://www.eventbrite.com/e/164273866557