去年 5 月 8 日，有網民在中環 IFC （國際金融中心商場）發起「和你 LUNCH」快閃遊行，期間有人在商場中庭大合唱，被警方驅散，其中兩男被控違反限聚令，案件今（11 日）於東區裁判法院再提堂。 IFC 代表在庭上交閉路電視片段予辯方，裁判官林希維即問為何商場一方早前沒理會辯方傳票，要到今日法庭傳召上庭才交片。代表稱不清楚，官即斥「同公司講，咁樣做法非常之唔理想」，又批 IFC 做法浪費法庭資源及辯方時間，「唔明點解今日要喺法庭睇你哋交收！」案件押後至 11 月 10 日再提訊。

IFC 營運經理王偉俊（音），今於庭上交出 19 隻光碟予辯方，內有 11 個地點的閉路電視片段。裁判官質疑，辯方早前已向 IFC 發出傳票取有關光碟但不獲理會，「有咩原因之前唔可以交條片畀辯方，要今日處理？」經理稱不清楚，只知公司今日委託他出庭交片，「唔知公司之前點處理。」裁判官即批，「咁樣做法非常之唔理想，咁樣基本上浪費法庭資源同辯方時間、律師費」，又指就算辯方無傳票，也不如警察般有搜查令，公司也要考慮給辯方所索資料，「如果有法律意見叫佢咁做（不交片段），我想知點解，唔能夠接受咁樣。」

裁判官續指，由於今日純粹是處理交收片段，故控方不必在場，「我都唔明點解今日要喺法庭睇你哋交收」，直言「唔希望下次再有呢個情況」，叮囑經理要將訊息帶回公司。

兩名被告分別為紀竣曦及張晉僖，各被指於 2020 年 5 月 8 日，於不同時間在 IFC 的 P1 層，無合理辯解下參與受禁羣組聚集。

案件編號：案件編號：ESFS 500011/2020 & ESFS 500017/2020