圖片素材來源：MUJI facebook、《監獄風雲》劇照

「回歸生活的基本，摒棄不必要裝飾，展現俐落線條、清爽造型……採用纖維細長的棉線為素材，並施以洗水加工，帶來如慣穿衣物般的舒適感。剪裁寬鬆，男女皆可穿着。」

睇文字介紹無問題，但一睇圖就眼都突。自從新疆棉事年之後，大家對 MUJI 都應該無乜幻想。曾經是文青最愛的品牌，如今都變得俗套，俗不可耐也！無聽 MUJI 的消息一排，昨日推出服裝新品「MUJI Labo 21AW」，設計認真嚇人！

MUJI 雖然行開簡約風格，但萬料不及佢竟然揀咗呢隻勾起香港人集體回憶的顏色！網民紛紛表示「好熟口面」，皆因大家都不約而同地諗起發哥經典之作《監獄風雲》的服飾打扮，仲有人建議「搵返《監獄風雲》嘅演員做代言人」，夠曬鬼馬，又實在笑中有淚，「著出街會唔會以為走犯」，exactly！

八十年代播《監獄風雲》當戲咁睇，但香港人今日卻儼如活在戲中。坐緊監嘅朋友，幾乎總有一個喺左近！有些網民都話套衫「好適合香港現時嘅環境」，「香港人好快都一人一套架喇」，甚至話似「集中營制服」，「俾香港人早啲適應」，講到好似要讚揚 MUJI 夠前瞻，spot 到個 fashion trend。

Fashion 嘅嘢，阿叔真係唔懂。笑還笑，認真我覺得套衫最大嘅意義係：佢提醒咗香港人同「監獄風雲」嘅距離，界線可能就是如此模糊。