印尼接種國藥疫苗不獲港府認可 港人滯留年半不准返港：仔女都唔理我
港府早前公布容許已扛針的菲律賓及印尼外傭「逐步有序」來港，措施今日（30日）起生效，惟政府仍然未全面承認在印尼的打針紀錄。有滯留印尼港人表示，自己在當地已打兩針，但因針咭不獲政府承認，未能回港，批評政策荒謬，對港府失望。
《立場》接獲滯留印尼的港人倪先生投訴，指赴印公幹近一年半，現時未能回港。從事工程生意的倪先生不時需要到印尼公幹，去年 3 月飛往印尼萬隆，因疫情關係而留在當地處理公務。他原本預計今年 6 月回港，但港府因疫情嚴峻而將印尼列為高風險地區。
倪先生今年 7 月已在當地接種兩劑國藥疫苗，希望能夠盡快回港，與妻兒團聚。他提到，已經有近一年半未見過妻子和 3 名子女，甚至子女已不理會他，「而家啲仔女都唔願意同我 Facetime，年半冇見。」他指出，根據現時政府規例，印尼並非世衞指明屬嚴格監管機構的國家，因此在當地的疫苗接種紀錄不會獲港府認可，自己即使已打兩針，都不能按機制回港。
「呢個政府真係好唔得，之前啲人移民我都唔知咩事」
倪先生斥責港府政策有問題，未有理會滯留港人，「點解係印尼打針嘅外傭可以嚟香港做嘢，揸住特區護照喺印尼打針嘅香港人返唔到香港？」他曾致電衞生署和入境處求助，只獲告知他的情況無奈下不能回港。倪先生補充，寧可留在印尼等待，亦不願嘗試經其他中或低風險地區回港，「去第二個地方唔知嗰邊有咩事，到時入咗去又滯留喺嗰度。香港政府成日都轉政策，所以唔夠膽經第二個地方，到時又變咗 A 區（高風險地區），返唔到去。」
他續稱，已經對政府感心灰意冷，「呢個政府真係好唔得，之前啲人移民我都唔知咩事，然後我就諗，如果政府係咁搞到我哋呢啲市民冇乜信心，咁樣對啲香港人… 對呢個政府好失望。」
《立場》已向有關食衞局查詢，正待回覆。