一名港人滯留印尼年半，即使已注射國藥疫苗，但由於針紙不獲港府承認，未能像印傭一樣返港，批評港府政策不合理。港府昨晚 (30日)才出稿表示，將按機制認可印尼、菲律賓及土耳其等地方發出的疫苗接種紀錄，明日 (9 月1 日)生效。

特首林鄭月娥今早出席行政會議前見記者，主動提起此事。她形容港人與外傭待遇有別的做法是誤會：「呢個做法(承認外國疫苗紀錄)唔可能淨係適用於外傭，所以早前有啲誤會，點解 A 組香港居民返來仲要分外傭定係非外傭呢？呢個係溝通上出現咗問題。」

林鄭稱：「其實上個禮拜我親自同啲總領澄清咗，不過溝通上佢地唔知點解咁耐先可以、噚晚先至來到澄清。」她亦表示，特區政府正與 A 組高風險地區內的相關政府、包括馬來西亞及泰國商討，一旦承認對方針紙，所有香港居民就可以透過針紙返港，而回港後仍須接受一系列檢疫措施。

要求醫生、傳媒努力谷針

特首今早亦主動提及，目前全港已打第一針的人數僅佔全港人口 60.6%，未達早前訂下的開學前七成人已打針的目標。無綫電視記者問她，有何具體辦法令市民打針，政府還有甚麼板斧，例如針對長者的優惠？

林鄭回應稱，提高疫苗接種率需要全民努力，她特別要求醫生及傳媒努力：「其中一個群組要努力就係醫生，因為長者就特別信醫生嘅，醫生話畀佢聽安全呢，佢地就會安心去打，如果醫生自己有猶豫、早期真係有，我行會成員林正財都話畀我知早期啲醫生好保守，呢樣唔得、嗰樣唔得，三高都唔打得針咁。」

她又要求身為子女者游說家中長者打針：「另外就係啲長者嘅仔女喇、親朋戚友喇，可以同阿娀阿爺講，個孫想返學，如果大家都打咗針呢，個孫可以成日返學喇，唔需要留喺屋企來到去睇電腦喇，所以係全民要努力。」最後她促請提出疑問的傳媒也出一分力：「傳媒都可以努力，與其成日都係話政府仲有咩板斧，我請你地大量推廣下，叫市民打針喇。」