《蘋果》前員工再續紙媒 兩份波經、馬經9.1創刊 《壹報》：望風格如壹，砥礪前行
《蘋果日報》6月24日停刊後，兩個多月來，部分前蘋果人開設各類資訊平台，包括娛樂媒體「娛壹」、新聞媒體「Channel C」、體育媒體「體壹」等。其中由《蘋果》前員工新創辧的實體娛樂、馬波經合一的報紙《壹報》，以及馬經《競馬》同在今日（9月1日）出版創刊號。《壹報》成員表示，暫定位為娛樂、生活副刊，並以豐富內容，包括擴展馬經賽程至 9 程，與波經名家繼續合作等，希望繼續自己的專業「風格如壹 砥礪前行」。
《壹報》的辦公室僅約 500 呎的空間，只有一個開放式空間、一個「會客室」及廁所。白得發亮的外牆，沒有掛上任何商標，而白色的桌子上則有大量的紙張及數部電腦，旁邊放著一個個電器包裝盒。臉帶倦容的成員阿明對記者說，「好多嘢都未買，個櫃都未買，啲嘢散修修喺地下，唔好意思啊」，近兩個星期以來「十一七，走唔甩（早上7時工作至晚上11時）」，未有時間改善設備。
10 名全職成員 希望繼續自己的專業
《壹報》現時只有 10 名全職成員，包括曾在《蘋果》任職美術 14 年的Tony、任職娛樂版 11 年的阿明等。他們在《蘋果》 6 月 24 日停刊後，靠一通電話連結彼此，最終集合 10 名來自娛樂、體育、美術的同事再續紙媒。Tony 說，創刊除了是對讀者負責任，也是希望繼續自己的專業，「我哋做開咁多年 Print Media，突然之間我哋冇（工作），我哋投身咁多年都要專注做返依一樣嘢！」結果成員未出糧先出錢，自己「揞荷包」加上親友支持，籌集資金，以供每月數十萬的出版開支。
Tony 表示，《蘋果》停刊時，賽馬賽季未完，「（舊讀者）話好頭痛唔知買邊份睇好，佢哋睇開 10 幾廿年個格式，好唔習慣，買咗份其他第二啲報紙覺得賭唔到。」他們本來希望做一份包含娛樂及波經的報章，但剛好熟人有賽馬的數據庫，在考慮到馬經比較有市場及讀者需要後，決定推出一份以內容主打馬經、波經，及娛樂版，「波馬娛樂 共冶一爐」的報章。
成員：摸住石頭過河 暫定位娛樂、生活副刊
萬事起頭難，《壹報》由籌組到出版僅僅用了兩個月，出版未盡善盡美。創刊號出版後，成員拿起《壹報》，對比電腦的原稿，慨嘆聲此起彼落，「喂！顏色好似暗左啲啊」，「唉，以前印開靚機，又唔需要 Tune 相啊嘛」，「唉，以前咩都得啦！」從前，各部門人強馬壯，不過現時只有 10 名全職員工，兼任記者、編輯、美術、印刷、聯絡報攤等工作，在不熟悉的工作中，不斷學習和嘗試。
今期圖片亮度稍遜，不盡完善，Tony說：「呢啲下期我哋就會改善㗎啦，因為以前我哋用開啲機當然知道乜嘢事，個問題喺邊度，亦都有人幫我哋去處理。以前啲工序就瞓得好散，大家專注做一樣野......學肥佬話齋，摸住石頭過河呀嘛，一有新野，佢成日都咁同我哋講㗎啦！」
「馬照跑舞照跳，應該娛樂都可以掛」
頂著《蘋果》前班底的名字，《壹報》會否「見過鬼怕黑」？Tony 馬上說，「又唔係見過鬼怕黑嘅，我哋都冇做錯野！」另一位不願具名的成員說，風險、資源所限，他們會將《壹報》定位為多樣化的娛樂、生活副刊，暫時不會開設港聞版，「鄧小平話齋馬照跑舞照跳，應該娛樂都可以掛，喺新嘅形勢之下，符合法例咁娛樂大家。」
延續「燈神Tips」風格
《壹報》說基於現時的人手、資源與以往實在差天共地，難以填補《蘋果》帶來的空缺，只能讓內容、模式「有啲似」原來的樣子。Tony 表示，以往《蘋果》馬經的即日新聞可達5單，但他們就難以做到，「根本Impossible！以前見開公司你唔覺㗎嘛，走左就好覺......以前真係有人晨咁早入去馬場影相，訪問啲馬主、練馬師，但係我哋真係做唔到。」
有網民曾說難以習慣其他馬經的排版，《壹報》就參照《蘋果》排版，讓舊讀者能夠看得舒適。阿明說：「過去睇開嘅格式好重要，我哋堅持返原有嘅風格，例如波同賽馬嘅格式都係沿用以前風格。」此外，《壹報》在價錢上亦較其他馬經平約 1 元、售 9 元一份，內容更「加碼」
不過，《壹報》並不停步於滿足舊讀者的需要，亦從內容著手，希望更進一步。在馬經做足九程賽積，並整合資料製作積分榜及賠率表，又繼續與波經名家「守丹」、「尊嘉」、「亨少」等合作。Tony 更笑言，在波經方面，他們或許會延續「燈神Tips」的風格，希望讀者能夠旗開得勝，「呢一樣嘢先係賣點，燈係 Selling Point」。
兄弟爬山良性競爭 目標3萬份開設網上收費平台
另一份同樣由前員工創刊，主打賽馬資訊的《競馬》今日同樣在全港報攤及便利店發售，是否會掀起一場大決鬥？Tony 說有競爭才會有進步，「大家都係自己人，其實都冇乜嘢所謂，大家各有各做，點樣迎合到市場、讀者先係我哋首要嘅任務。一定有人唔贊成都有人贊成嘅啫，都係搵啖食，做返我哋自己專長嘅嘢，如果佢未睇過就話我哋點樣點樣，我哋都唔會care，買份睇咗先啦！」
談及期望有多少銷量，Tony 說，假如銷情理想，他們說希望賣夠3萬份，「起碼都 30,000 咩啦，大家知點解嘅」，而未來亦會通過不同渠道繼續拓展市場，如Patreon、YouTube等收費平台，並希望獲得廣告，減輕印製成本。
面對激烈的競爭，《壹報》說會堅持做到「以內容為王」，但實際上如何做到，則透過不斷嘗試、改善。繼續下去，除了是對自己專業的負責，也是希望集合散落的《蘋果》「種子」，在有能力時聘請其餘的《蘋果》人。Tony說：「紙最緊要做好，讀者啱睇，咁我哋就有能力可以繼續落去。」
《壹報》逢一二四六發售 望乘「壹」砥礪前行 《競馬》逢排位賽馬日出版
創刊號印上「風格如壹 砥礪前行」的《壹報》全份共4張紙、16版全彩色印刷，內容包括馬經、波經，及娛樂版，逢星期一、二、四、六在全港報攤及便利店發售，售價 9 元一份。排位版及賽日賠率版，印紙數量分別為 1 萬及 2 萬份，日後或會因銷量加印。
由天氣女郎做到開餐廳、做KOL，黃婉曼icy wong yuen man...
由壹報發佈於 2021年9月1日星期三
另外，同樣由《蘋果》前員工創刊，主打賽馬資訊的《競馬》今日（9月1日）同樣在全港報攤及便利店發售。《競馬》並在Facebook專頁表示，「感恩！今早編製、印刷、運送、發行及發售過程一概如期進行，令馬迷、讀者可以第一時間一睹《競馬》風采」，呼籲市民未來繼續支持，團隊一定會繼續努力。《競馬》排位版及賽日賠率版均為12版全彩色印刷，排位版刊登馬匹七程賽績，資料詳盡豐富。《競馬》排位版逢排位日中午出版，賽日賠率版則於賽日早上在各大報攤及便利店發售，兩款都是十元一份。
《競馬》終於出版啦！🎊 原汁原味，一定係你刨馬嘅扶手棍！ 今午（9月1日）起在各大報攤、7-11、OK便利店有售！ 請各位多多支持！😄💪 祝大家今季贏多啲！🤩🎉#賽馬FACTCHECK #競馬FACTCHECK #競馬...
由競馬發佈於 2021年8月31日星期二