圖片素材來源：林紹輝 facebook

早前政府放風 DQ 加追薪，觸發民主派區議員辭職潮，當中包括葵青區議會副主席張文龍；葵青區議會今日（14日）重選副主席，但在主席梁錦威因支聯會案還押， 5 名建制派區議員集體請假下，大會不足法定人數流會。下次會議要到 11 月才舉行，民主黨林紹輝批評「依家休會等到 11 月，啲問題點樣處理？」，質疑建制派「一個都無喺到，係咪講中咗係忠誠廢物？」

經歷辭職潮後，葵青區議會有 20 席懸空，現時仍有 12 名議員，包括 7 名民主派、5 名建制派議員，民主派仍有優勢，即使身兼支聯會常委的主席梁錦威，因拒交資料正還押無法出席會議，民主派人數仍較多。

大會原定早上 10 時舉行，重選副主席，民主派 5 名區議員包括梁志成、劉貴梅、林紹輝、梁靜珊、唐皓文，政府官員準時在席。但另一名民主派郭子健以及 5 名建制派議員郭芙蓉、徐曉杰、梁嘉銘、盧婉婷、陳志榮都缺席，民政處職員要即時打電話聯絡未到場的區議員。

15 分鐘後，區議會秘書宣佈，收到 6 位議員請假申請，因會議法定人數不足在任議員二份一要休會，下次會議日期 11 月 9 日。同時，由於今日未能開會，未能在會上審批請假議員申請，秘書亦無讀出請假議員的名單。葵青民政事務專員鄭健透露今日臨時收到數名議員請假，「開唔開得成會係各位議員責任」，非秘書處責任。

林紹輝指，今日大會有不少政府部門出席，又引用政府稱「區議會不能政治化」，表示自己有很多地區問題想借會議提出，「依家休會等到 11 月，啲問題點樣處理？」，「可唔可以講下嗰幾位同事困𨋢定咩問題？」，他批評缺席的議員浪費政府部門人力、令議會無法處理社區問題。他在會後表示，今日 5 名建制派「一個都無喺到，係咪講中咗係忠誠廢物？」本來今日會議亦會討論疫情、社會罪案、商户阻街、新年派利是封等，「今日乜都傾唔到」。