《港區國安法》實施以來，不少港人選擇離開香港。適逢中秋節，海外港人在思念親人的同時，或許想念香港的口味。有移居加拿大及英國的港人利用自己的手藝，親手製作印有「香港好靚」、「連豬」及「Pepe」等圖樣的月餅，希望以味道聯繫海外的香港人，記住香港，更有港人餅店化身「街坊福利會」提供支援。有港人店主表示，「好想彌補一個大家唔可以喺香港過節的遺憾，在海外都要寫返、要做返，香港人習以為常的團圓，希望大家儘量一齊渡過，唔好咁孤單。」

一個月前，曼徹斯特塞爾（Sale）一間由移英港人開設的餅店，開賣印有「香港」字眼的流心奶皇月餅，並獲英國在地港人的群組大力推介。開賣約一個月，餅店已售出至少 1 萬個月餅，連蘇格蘭、倫敦，甚至遠在比利時的港人都紛紛訂購。

曼徹斯特塞爾（Sale）一間由移英港人開設的餅店，開賣印有「香港」字眼的流心奶皇月餅。（圖片由受訪者提供）

月餅上除了印有「香港」兩字，盒內亦附上一張「祝大家中秋節快樂，香港人加油！」的小字條。港人店主 Jeffery 說，在異地賣月餅賣的不只味道，而是希望傳達一些訊息，「大家雖然來到這裡，但都有一個情意結，畀哋暖意佢地，唔想係一個咁凍的感覺。」

月餅上除了印有「香港」兩字，盒內亦附上一張「大家中秋節快樂，香港人加油！」的小字條。（圖片由受訪者提供）

Jeffery 說購買月餅的人主要為近年移民的港人或者華僑，而以千計的顧客，在中國、香港工廠製造的月餅充斥下，選擇了「英國製作」的「香港月餅」。他慨嘆：「好想彌補一個大家唔可以喺香港過節的遺憾，喺呢度（英國）都要寫返、要做返，香港人習以為常的團圓，希望大家儘量一齊渡過，唔好咁孤單。」

Jeffery 慨嘆：「好想彌補一個大家唔可以喺香港過節的遺憾，喺呢度（英國）都要寫返、要做返，香港人習以為常的團圓，希望大家儘量一齊渡過，唔好咁孤單。」（圖片由受訪者提供）

身處海外反而港化 為留住家鄉優質口味

上過飲食節目、專長製作朱古力及糕餅的 Jeffery，移民前曾在尖沙嘴、柴灣及上環開店，售賣朱古力、西式蛋糕等，亦有開設甜品班。2020 年 10 月，他連同太太及一對在學兒女移民英國。Jeffery 來到英國後重操故業，於今年五月在曼徹斯特的塞爾（Sale）開設實體餅店「A Little Sweet」，聘請數名港人協助經營，並主打港式食物，如酥皮蛋撻、手工菠蘿包、全素蝴蝶酥等，又在中秋前夕售賣月餅。

Jeffery 的餅店「A Little Sweet」並主打港式食物，如酥皮蛋撻。（圖片由受訪者提供）

來到異鄉突然變得更「港化」，Jeffery 說是因為覺得香港的食物及製作可以很出色，更可以傳達暖意，「喺香港見到的好多時係外國的牌子，從來都冇香港嘅牌子，真正打返出去出面」，「好似依度中式超市嘅菠蘿包咁，好驚嚇咁放喺膠兜，買返來都唔討好，又點樣食落肚？ 」他逐製作酥皮蛋撻、菠蘿包等，近日更加設芝士腸仔包及雞尾包等港式早餐之選，希望港人在異鄉亦能品嘗到高質素的家鄉口味。

來到異鄉突然變得更「港化」，Jeffery 說是因為覺得香港的食物及製作可以很出色，更可以傳達暖意。（圖片由受訪者提供）

懂得溝通的食物 「街坊福利會」分享煩惱

港式食物，帶來的還有一個個港人故事。

餅店「A Little Sweet」座落有良好校網、吸引不少港人居住的塞爾。然而，來到一個新的地方生活，總有一大堆要處理的生活瑣事。Jeffery 說經常有人向他訴説生活難題，「有個人來到2個幾星期，唔識開戶口，我就教佢，畢竟有啲 YouTuber 的資訊都唔係完全準確.......我成日講『得啦冇問題！行過嚟飲杯嘢，冇嘢係唔得！』」餅店漸漸成為一個互相分享煩惱、處理問題的小型「街坊福利會」。

店外擺放了一張長椅，不少港人會停下腳步，互相分享煩惱。Jeffery 對此感到十分意外，「好有趣，每逢星期五六日，就會好多人，真係好似街坊福利會，係一個小群組喺度交流！啲小朋友話『好耐冇講廣東話，好似返香港咁樣』！」他笑言原來食物「識得溝通」，「多咗人嚟，多咗人嘅故事......過來講句加油、努力，叫我哋慢慢來，畀好多支持鼓勵說話，就係咁窩心！」

他說，曾經有位住在紐卡素的婆婆因身體問題，未能親身前來支持，「叫孫女帶埋啲親友過嚟，買好多食物、蛋糕，我就開 FaceTime 同老婆婆傾計，多謝佢支持。」亦曾有五位男士，以單車代步、踩足 70 公里，由利物浦往返塞爾，為的就是一杯奶茶、一個麵包，「特等來到飲奶茶、食菠蘿包、蛋撻，飲完就買一堆嘢畀老婆食，（餅店）好似加油站，真係估佢唔到！」

店外擺放了一張長椅，不少港人會停下腳步，互相分享煩惱。（圖片由受訪者提供）

打入外國文化 分享香港的一點甜

餅店標誌上有一頂廚師帽，寫有「HK」兩字。Jeffery說，餅鋪命名為「A Little Sweet」，是想聯繫香港人之餘，同時將港式飲食文化打入英國，分享「香港的一點甜」。

沒有菠蘿的菠蘿包，想必只有香港人才明白。然而，Jeffery 說英國顧客已接納沒有菠蘿的菠蘿包，並自行改稱為「Hong Kong Bun」，「一入來都唔使介紹，大家都直接話 Hong Kong Bun With Butter，係慢慢咁接受我哋的文化」。他形容在零廣告下，餅店卻在英國本地人的群組傳開，到訪的人更向移英港人表達支持，「同我哋講話知道發生乜嘢事，點都好，要努力，我哋好支持你地、好Welcome你地，話間店舖做得好好。」


Jeffery 笑言英國顧客已接納沒有菠蘿的菠蘿包，並自行改稱為「Hong Kong Bun」。（圖片由受訪者提供）

在地球的另一端，一款印上「香港好靚」、「加油」、Pepe及連豬圖樣，色澤金黃透亮的月餅亦大受北美港人歡迎。有入手的海外港人在社交平台大讚，「多謝你愛心的創造及連日夜的辛勞，未食已感受到那份關愛的甘甜」、「隔住個 mon 都感受到有幾色香味俱全，仲有嗰份香港人嘅努力拼搏丶創意同埋對高水準嘅執著」。

獲得好評的月餅店主為港人 Eric，他在 2020 年 1 月從香港移居加拿大。Eric 在移民前曾在港經營 6 間連鎖餅店，售賣光酥餅、曲奇等糕餅。不過，在 2019 年遇上反送中運動，讓他意識到香港已非香港。他憶述，有一次與女兒在街上遇上防暴、速龍戒備，「帶著面罩好鬼恐怖，直頭好似星球大戰黑兵咁，同女女就好似見到日本皇軍，低頭急急走.......覺得政府真係唔掂，即刻有行動，即走」加上目睹 7.21 元朗襲擊事件，為了不讓年僅 8 歲的女兒面對這樣的一個新香港，最終 Eric 一家三口，連同父母、妹妹及 6 隻貓，6 人 6 貓前往加拿大哈利法克斯（Halifax）及蒙特利爾（Montréal），並在同年年尾籌備售賣曲奇、光酥餅及核桃酥等餅食的網店「Hélène Jaune Cookies」。

加拿大港人 Eric 製作的一款「香港好靚」月餅亦大受北美港人歡迎。（圖片由受訪者提供）

凝聚北美港人 手寫賀卡望異鄉添暖意

雖然 Eric 在港時售賣有售賣中式糕點，卻從未嘗試製作月餅。去年中秋，Eric 只能靠網購，在多倫多的大型超市，訂購香港製作的連鎖店月餅，有味道但總感覺冷冰冰，加上在2019年尾反送中運動期間買下「香港好靚」、「加油」、「光」及「時」的月餅模，令他萌生自行製作月餅，並將暖意分享與其他在外的港人，「買不少後生仔的紀念品，見到有模，唔想曬左佢......留意到好多香港人各散東西，不如就嘗試做，提醒返或者凝聚北美、加拿大，甚至全世界嘅香港人。」今年 7 月，他向有交情的老師傅請教，在 1 個多月内速成手藝，並在 8 月尾於北美洲開售流心奶皇月餅。

Eric 以一人之力從零開始，在網上訂購 600 多粒鹹蛋黃、煮蛋黃内陷、奶皇，再將其雪成冰粒、包餅皮、蓋餅模.......最終憑三星期内日做18小時，趕及在中秋前約 1 個多星期製成 300 多盒、約 1200 件月餅。月餅出乎意料的大賣，在開售僅僅兩日內售罄。

Eric 以一人之力從零開始，在網上訂購 600 多粒鹹蛋黃、煮蛋黃内陷、奶皇，再將其雪成冰粒、包餅皮、蓋餅模。（圖片由受訪者提供）

他說製作比想象中困難，過程亦繁複，甚至在戴上兩對手套後，亦凍傷手指起水泡。為了能令港人收到已冰冷了的月餅時，依然感到一絲暖意，他親手在賀卡上寫上「中秋節快樂」並夾在月餅盒内，「我老婆話唔好寫啦幾百張，我話唔得，係同客人嘅聯繫來的。」

Eric 親手在賀卡上寫上「中秋節快樂」並夾在月餅盒内，希望海外港人能夠感受暖意。（圖片由受訪者提供）

不想只「講飲講食」 思考味道可否喚起對港記憶

Eric 留加已一年半，不過對香港的感覺依然非常強烈。然而，他有感身邊的朋友已經未再與他同步，對香港人的身份認同感大降。他指，以往在社交媒體轉發及評論香港的政局時，會有朋友願意在帖子表態甚至討論，然而最近發佈馬來西亞藝人諷刺中國的帖子時，只有數人按下讚好，但自製餅食的帖子卻有數十人讚好，「一日到刻講飲講食，唔記得香港一兩年發生咩事，香港依家發生的事亦好恐怖，拉得就拉、鎖得就鎖。你話喺香港咁冇辦法啦，但你喺加拿大好多人都係免得就免，唔好講綱多，來到加拿大更加要講，要盡一分力。」

他說，雖然多倫多、溫哥華等大城市，在 6.12 及 8.31 事件等「大時大節」均會有行動，然而在一般時間，港人能連結彼此的時間並不多，但他有感味道卻可以留著大家對香港的記憶，「唔只係我，來到加拿大咁遠的地方，依然好掛住香港，都想用自己手藝，用味道去喚起北美香港人對香港的記憶，因爲實在太掛住以前的香港」。

他主力製作曲奇及命名為「香港人小食」系列的光酥餅及核桃酥的傳統小食。為保留傳統口味，他特意不用已製好的當地牛油，反而到豬肉檔買下油渣少、出油量的高豬板油，自行熬製豬油，又以臭粉取代泡打粉，讓餅食的口感鬆軟。雖然身在加國，但製作卻貼近傳統，Eric 說：「要大家食返，係香港的味道」。

主力製作曲奇及命名為「香港人小食」系列的光酥餅及核桃酥的傳統小食，使用了自行熬製豬油，又以臭粉取代泡打粉，讓餅食的口感鬆軟。（圖片由受訪者提供）

移民淒涼？香港本身就是逆境 敢傻敢衝無需要驚

特首林鄭月娥日前表示，聽到很多港人移民後「好淒涼」。不過，Jeffery 和 Eric 就說，很幸運能到外國開展新生活，不過同時勉勵在外孤身，因各種原因未能團聚的香港人不要害怕。

Jeffery 形容在港生活有如「逆境求存」，沒有比越洋找工作、創業更加難，「邊度做嘢唔難？只要你要生活，就會係困難，但香港人識得咬緊牙根，因為我哋本身已經喺一個逆境求存嘅地方.......有邊個想放棄自己出身嘅地方，去新嘅地方生活？我係一個香港人，只不過留左喺英國依個地方，好努力在這裡 Gather、認識一班知音人。」

Eric 則從未後悔過到加拿大生活，「覺得選擇沒有錯，（抗爭）熄晒火但係而家好似文化大革命咁」，「香港人精神最有拼勁…….香港生活咁艱苦，去到外國一定捱得到，儘量放膽去做，最重要抱著拼勁熱誠，最終會得到回報。好似茄子蛋（台灣樂隊）首《敢傻敢衝》，無論移民到邊到，唔需要怕前路茫茫」。

傻了嗎？衝了嗎？準備出發不害怕，更揮灑。在眼淚中遠望，我們曾走過的地方 ——茄子蛋《敢傻敢衝》