試當真一場不忿的革命：冇人可以斷言乜嘢係冇可能 你哋唔孤單繼續一齊走
憑著腦袋、創意、玩味、認真試下、試下認真，一樣能夠由Youtube走上九展舞台。「試當真」開騷，這班人平均年齡不足三十歲，但他們覺得「片唔係咁拍」，於是自己度橋自己拍；他們覺得「人唔係咁捧」，於是將電影演員帶入Youtube讓更多人認識；他們覺得「錢唔係咁賺」，於是逆向出價，票價由一萬元開始，希望終結黃牛黨。
正如他們在開場說：「我今年都三十歲喇，有更多比我更年輕、更創新嘅人一直出緊嚟，唔止你地要放手，我都要學識放手，點解你地可以咁樣去講一啲咁嘅說話，我都一路喺度學習緊新嘅媒體、新嘅網絡、新嘅語言，個世界就係咁樣喺度變緊，冇人可以斷言乜嘢係冇可能，講完！」
長達三小時的演出，集合棟篤笑、唱歌、跳舞、話劇、頒獎，還有剖白心聲。由開台講起，迎來一個個公關災難，由「豪哥」扮演的「老屎忽」，被揶揄「2022年都嚟緊，其實娛樂圈好有生息，只有你哋班電影人霉揼朵……」時代在變，固有想法都應在變。一個個嘉賓出場，Dear Jane、Tonick、小薯茄、還有古天樂，「試當真」的貨色、Youtuber的主場，一樣能有大明星坐陣。
「試當真」開台僅僅一年，便已走上實體舞台演出和賺錢。舞台螢幕播出一班幕後人員的話，一年前有人原本打算移民、有人準備結婚……有人說「試當真」在創作上有很大自由度，肯做就有機會去試，但覺得未來這份自由可能會被壓低，再沒有如此大自由，或者到時要尋找另一條路。
創辦人游學修今年中在眾新聞訪問說過：「我還有一個相對自由的創作空間，搵得番三餐，夠洗費，有演出機會，認識我的人越來越多。我已經很滿足，不代表我什麼都達到，但所有事情都是ongoing、發生中。我們這代最痛苦的，是望不到條梯，我以前望不到，但我現在見到條梯。」他形容「試當真」是一個基地，面對將來的不穩定，有擔憂亦心存期盼。
由不忿到開台 由破產到舞台
去年10月，他瀕臨破產；誰想到今年10月，他帶領一班Youtuber踏上舞台。他說「試當真」的出現，其實是源於「有啲嬲」和「唔忿氣」。開台時，有人說過「Youtube就只有咁、得嗰啲嘢」，但他不認同，於是自己度橋自己拍，二次創作短片、歌曲、製作偽紀錄片、甚至綜藝節目「試玩mode」，每做完一樣，就停一停，再試新事物，因為他覺得Youtube還有很多可能性。
他不明白為何Youtuber可以名成利就，但有些演員卻無人認識、沒有得到尊重，一句心裏的信念「我想佢哋畀人見到」，於是找來演員岑珈其、林家熙加入「試當真」。他又覺得「樂壇不應該只有一班人玩晒」，於是一齊拍片的蘇致豪、許賢，又會作歌、出歌、派台、登台。「我覺得佢哋仲有很多貨……而我們的共同目標，都是希望成為受尊重的表演者。」
直至開騷，他們依然有事看不過眼，不希望有「黃牛」，於是大膽想出以「荷蘭式拍賣」逆向出價售票，票價由一萬元一張開始，每24小時降價一次，直至最終十元底價，結果門票在短短五日內售罄，一萬元的門票更賣出13張，而最後的票價為800元一張。以上種種，全因他覺得「片唔係咁拍，人唔係咁捧，錢唔係咁賺。」
但仍然有些事，不是他想就做得到，「搞到人，我做唔到，咩都講唔到，試當真都一樣，只能擺在心中……好多人都好嬲、好不忿氣，但都咁相信我們。」他反駁過「香港電影無前途」的說法，有人叫他一定要拍電影，爭氣也好，奚落也好，但他說過去一年無做到，因為「未係時候……試當真未成熟。」
很多人不忿氣、不是時候、擺在心中……他最後說道：「如果你們睇我們的片，覺得同我們很熟、很近，我想說，我和你們都是分享同一個感受，之後的路我們繼續一齊走。」
「你哋唔孤單」
演出臨近尾聲時，蘇致豪和許賢唱出《係咁先喇》，螢光幕上出現機場的畫面，歌曲玩味地訴說著香港人移民潮下一幕幕道別。同屬創辦人的許賢在台上透露，家人將會移民，日子愈來愈近，但他還未想得通。這段時間，他問過身邊的人會不會走？何時走？走去哪裡？有人說可能這兩三年會走，移民英國由低做起。
他說：「大家出生入死過，傾完後，我自己在尖沙咀喊，原來去到很切身時，我會頂唔順、想不通，問自己是否仍留戀這個地方，可能有人唔敢諗，但我想講你哋唔孤單，我都唔敢諗，我們一起慢慢諗。」完場後記者再問他，是甚麼原因令他在尖沙咀哭？他解釋，不少同事都說「呢幾年啦，好似所有嘢嘅限期都係幾年，這件事很sad，我想不通。」但這刻，他說仍然留戀香港。
拍開搞笑短片，但無跟社會脫節，片中滲透現實世界的觀察。為何叫《試當真一週年現場版》（暫名）？他們說因為「今日唔知聽日事，就好似今日嗰社會咁。」
或者在鴉雀無聲的公民社會，需要天馬行空的想法滋潤人心。
觀看原文： 按此連結