【煽惑六四集會案】政府「借疫打壓」 何桂藍：到維園是為了反抗禁令
警方去年以防疫為由禁止維園六四集會，多名支聯會成員和泛民主派人士被控當日組織及參與未經批准集結等罪，何桂藍、鄒幸彤及黎智英不認罪受審，何在鄒作供完畢後，亦選擇自辯。她自言一直不認同支聯會，過往只去過一次六四維園集會，她當晚到維園「係為咗反抗禁令」。她形容當晚維園「冇大台」，港獨及悼念的聲音在同一個足球場出現，而李卓人的比重及角色，與手持港獨旗幟的人沒有分別，而她亦沒有默哀、獻花或唱《自由花》等。
黎智英、鄒幸彤和何桂藍不認罪，黎被控一項煽動他人參與未經批准集結罪、鄒幸彤被控明知而參與及煽動他人參與未經批准集結罪、何桂藍被控一項明知而參與未經批准集結罪。
何作供時形容自己「係一個普通到冇得再普通嘅香港人」，她自言有派傳單及開街站，「但呢啲係每個香港人有權利可以做嘅事，政治發聲係每個香港人都可以做嘅」，當時她亦沒有任何公權。
只曾參與過一次六四晚會 「本身都唔係特別鍾意支聯會」
說到支聯會舉辦的六四晚會，她自言在2020年前只出席過一次，那是在2016年帶她一位內地朋友參加，「因為朋友想去」。
她坦言「唔係好認同支聯會」，因2016年公民社會有很多關於六四的活動，支聯會對以其他形式紀念六四的人「單單打打」，「我本身都唔係特別鍾意支聯會㗎啦，睇到佢哋嘅態度，我覺得我以後唔會再去」。
她說：「記住六四嘅重點係記住你以後會做咩，而唔係你會唔會每年去一次個儀式度悼念，如果燭光冇辦法燃點你生活每一面，咁就真係每年維園見㗎啦⋯⋯咁你知支聯會係最鍾意講維園見嘅。」
因首次非支聯會主導才決定去 維園內沒「大台」
至於去年的六四集會，以她理解法理上是禁止支聯會舉辦的集會，但她認為「真實目的係嚇到香港人唔敢入維園」，政權只是「借疫打壓」，「就算我幾唔認同支聯會，都唔覺得佢哋要被剝奪權利」。她坦言「我去維園係為咗反抗禁令」，「如果係悼念六四，我係唔會去」。加上當時支聯會已宣布不會在維園舉行集會，改為讓燭光「遍地開花」，「即係30年嚟第一次唔會有支聯會主導，所以我先決定去」。
她續指，當晚穿黑色上衣，約7時到達維園，「我覺得2019年之後，黑色衫係反抗政權嘅標誌」，在足球場內只是一直和朋友聊天。新聞片段拍攝到，她曾與李卓人有互動，她解釋：「有前輩行埋嚟搞個爛gag，如果唔俾啲反應好似好冇禮貌。」
「如果話佢哋係支聯會call出嚟，都幾侮辱人智商」
她形容當晚在維園，除了悼念，亦有人舉港獨旗幟及叫港獨口號，她「左耳聽到《自由花》，右耳聽到《願榮光歸香港》」，「後生嘅叫『結束一黨專政』，老人家叫緊『光復香港 時代革命』」。她認為「如果話佢哋係支聯會call出嚟，都幾侮辱人智商」。
辯方問，她當晚有否在場獻花？她坦言「我同岑敖暉冇，因為我哋兩個都唔想行埋去支聯會度」，她亦沒應李卓人呼籲默哀、舉蠟燭或唱歌。她笑言「因為我冇乜點去過，我唔係好知要點拎隻杯（蠟燭），我at some stage燒爛咗隻杯」，亦「唔識唱《自由花》」。
左耳聽到《自由花》，右耳聽到《願榮光歸香港》」，「後生嘅叫『結束一黨專政』，老人家叫緊『光復香港 時代革命』
後生嘅叫『結束一黨專政』，老人家叫緊『光復香港 時代革命』
如果話佢哋係支聯會call出嚟，都幾侮辱人智商
當晚集會後，她在Facebook發文，形容集會是「首個沒有大台的六四晚會」。她今解釋，「冇大台」是指社會內每一個個體不受他人號召或指揮，亦不會指揮或控制任何人，互相尊重彼此的自主性，沒有人的意見凌駕於其他人。而當晚的客觀事實是，支聯會在維園沒有領導角色，雖然李卓人手持揚聲器，但他的比重及角色，與手持港獨旗幟的人沒有分別。
辯方問她為何沒在文末加上「#6431truth」標籤？何一度反問：「呢個係咪支聯會嗰個？」她補充「我冇理過佢哋」。
案件編號：DCCC857-875、877-884、886-889、891、893/2020
觀看原文： 按此連結