【女校男教師性侵學生案】被告自辯稱與事主單獨相處後互生情愫 主動邀事主到家中約會
男教師涉藉邀請15歲女學生到其住所觀看Netflix電影，伺機脫光學生衣服非禮；二人及後發展成情侶，疑至少5次沒有使用安全套性交。案件今日（25日）續審，被告作供自辯，坦言當日主動邀請事主到他的住所，惟此舉是出於二人互生情愫，「多少默認大家喜歡大家」，擔心一起逛街會被撞破。他又聲稱事主到其住所只是為了見面，反而是他提出一起看Netflix電影。
被告馮霆麾（37歲）面對兩項非禮及五項與16歲以下兒童非法性交罪，案發2019年1月13日至8月2日期間。
被告今供稱，自2018年9月起在女事主X就讀的中學任教英文及英國文學，X是他的學生。二人熟絡後透過Instagram保持聯絡，互相分享生活瑣事及興趣。他自言在其教學生涯中與學生關係良好，「有傾有講，對我嚟講好普遍」。惟後來他與X的聯絡越來越頻密，「日日都傾，有時可以傾兩三個鐘」，彼此建立了默契。
首次與X長時間單獨相處感開心 「有少少怕係鍾意佢」
翌年1月10日，X主動提出在學校以外的地方見面，二人遂相約課後在西九龍中心午膳。被告形容X當日比較拘謹，「氣氛有啲怪」，他於是在席間不斷找話題。二人飯後又一同逛街，由旺角逛到尖沙咀至約9時，期間他多次問X需否回家，但X都稱不需要。
被告在法官陳廣池查問下坦言，那天與X長時間單獨相處，「諗返轉頭係開心嘅，有啲貼近好感」，但「當下有少少怕係鍾意佢，因為好難被人接受」。他又認為X「可能對我有啲好感」。
意會到互生情愫 因師生關係而「好怕呢種感覺」
那次見面後，X再透過Instagram問他週末是否有空，「佢話想再見面，我小心起見，問佢係咪有其他同學一齊」。那時他已意會到X喜歡自己，也相信自己同樣喜歡X，「但都仲係好怕呢種感覺」。他稱考慮到二人關係特殊，擔心一起逛街會被撞破，於是邀請X到他家作客。
陳官聞言反問：「試咗一次喇喎，行匀晒成個尖沙咀啦，個陣又唔驚？」被告解釋指那次是單純「想陪吓學生」，但這次「多少默認大家喜歡大家，所以唔好係公眾地方流連咁耐」。
感X似約會對象多於學生
被告續指，當日X悉心打扮到他家，似一位約會對象多於學生。那天他準備好食材，打算和X一起「玩煮飯仔」，但後來X覺得無聊，便到客廳看電視，飯後一起看Netflix電影。
X早前作供稱，被告得知她沒有Netflix帳户後，邀請她到其住所看電影。惟被告今表示：「我嘅記憶就唔係咁嘅」，稱當日是他自己想看Netflix，而X到他的住所是單純為了見面。
稱與X同處一室感緊張
至傍晚6時許，被告自言出於擔心，問X需否先回家，但X稱「未使返住」，於是他續與X一起打機和看YouTube，至晚上9時許送她到車站。陳官大感不解，問：「你咁擔心又唔送佢（回家）？」被告稱「冇特別考慮」，因為他不是擔心X的安危，而是顧慮到X的家人想她早點回家。
被告否認當天曾非禮X，又稱當日二人都十分緊張。陳官聞言追問：「你喺自己屋企對住個後生女，有咩好緊張？」被告稱：「因為我冇開聲問佢係咪鍾意我」，但感覺X喜歡自己，又擔心X因自己會錯意而告發他。
交往前協議可隨時終止關係 官：你講到好似寫合約咁嘅？
他續稱，在住所約會後，X向他表達自己的焦慮，他於是主動問X可否交往，X答應，他們也有共識關係要保密。被告稱因二人關係及身份不對等，故此「協議好佢幾時想離開都得，唔使任何事先通知」。陳官反問：「你講到好似寫合約咁嘅，又唔使事先通知，又可以隨時終止，呢啲就係你哋鍾意嘅默契？」被告則解釋因X年紀輕，「怕佢未諗清楚，唔想佢怕終止呢段關係」。
案件明天續審。
案件編號：DCCC398/2021
觀看原文： 按此連結