投票日免費乘車 港鐵迫滿人、巴士站排長龍
立法會投票日，公共交通機構在政府要求下，今日提供免費乘車日。多個港鐵站迫滿人，一班列車都上不到，紅隧巴士站更加如返工繁忙……
北角轉車站朝早時間大排長龍等車。
銅鑼灣站迫滿人潮，要關閉E出口，只可出，不可進入。
紅隧巴士站朝早大排長龍。
立法會投票日，公共交通機構在政府要求下，今日提供免費乘車日。多個港鐵站迫滿人，一班列車都上不到，紅隧巴士站更加如返工繁忙時間，巴士站排長龍。
投票日有「免費搭車」，多個港鐵站都迫滿人，在北角轉車站，列車埋站都未必裝到排隊人龍。其他多個車站都如朝早返工繁忙時間，要排隊上車，與平日星期日的朝早很大差別。銅鑼灣站E出口因人多關係，禁止進入，只可以讓乘客離開。港鐵入閘機就寫明免費搭車，提醒乘客不用拍卡。港鐵表示，除機場快線外，乘客今天可免費乘搭港鐵、輕鐵及港鐵巴士，毋須拍卡或付車費。港鐵站閘機貼上標示，指示乘客出入閘方向，除車站職員外，會額外增派約600名人員協助乘客。
除了港鐵，巴士公司及電車也提供免費搭車。在紅隧巴士站，朝早亦都出現長長人龍，要「打蛇餅」，就如上班繁忙時間一樣。大部分都是等過海巴士。現場觀察巴士上都載滿乘客，部分都已經座滿，只有企位。
觀看原文： 按此連結