吳秋北：參選即建制派 田北辰暗寸周浩鼎為做票王玩「扣帽子」
立法會換屆選舉落幕，一眾當選議員陸續會見傳媒。地區直選20位準議員今(22日)會見傳媒，當中「清一色」為建制派。被問到是否應驗全國僑聯副主席盧文端所指的「清一色即輸」，工聯會吳秋北指，所有參選人其實正是建制派之一，「凡係參選就係建制一部份，唔好再用過去時代去標籤」。
民建聯周浩鼎早前與實政圓桌田北辰於選舉論壇上鬧得熱哄哄，周更批田為「二五仔、騎牆派」，今天兩人仍然火藥味濃。田今指，有議員已手握鐵票可高票當選，但仍為做「票王」，使出「扣帽子」、「玩泥漿摔角」招數，不點名批評周浩鼎。周回應指，「過去嘅事已經過去」，希望大家聚焦向前看。
吳秋北：參選得嘅就係建制一部份
立法會換屆選舉中，20席地區直選議席被「清一色」建制派包攬。20位準議員今天全數出席傳媒見面會，眾人互相祝賀，又在入座前互相擊拳。
被問到地區直選最終全屬建制派議員當選，是否已中全國僑聯副主席盧文端所指的「清一色即輸」局面。工聯會吳秋北指，所有參選人都是建制的一部份，「大家唔好再用過往泛政治化、對抗式的政治去標籤邊啲人係建制、邊啲人唔係建制」，現時要更聚焦於經濟、民主議題。他續指，在座議員都有不同政治理念，「呢啲就係五光十色，就係百花齊放，既然有各種意見，就更加要喺而家議會入面凝聚、聚焦，喺愛國者治港嘅前提下聚焦呢啲發展」。
田北辰暗斥周浩鼎為做「票王」本性不變
實政圓桌田北辰和民建聯周浩鼎，早前於競選期間「內訌」。周浩鼎曾於選舉論壇上炮轟田北辰「二五仔、騎牆派」，事後稱已向對方致歉。不過，田北辰似乎仍然氣難下，今天發言時不點名批評周浩鼎。
田指，今次選舉最大得著是無論制度如何改變，「人嘅本性好多時都唔會變」。他認為，今次選舉原意是有良性競爭，「結果有啲所謂自己人，其實已經知道手握黨嘅鐵票，一定會高票當選，仍然為咗做票王，就搞啲『扣帽子』、『玩泥漿摔角』咁」，呼籲當選議員在未來4年要緊記「對事不對人」，否則無助監察政府。周浩鼎隨後被傳媒點名回應言論，他指「過去嘅事已經過去喇」，希望大家向前看，並將會關注工業發展議題。
議員對投票率重要性看法不一致
在會上，部份候任議員對投票率高低的重要性亦看法不一。田北辰指，議會是否成功是視乎投票率，「如果投票率高，就代表議會係成功，我又唔係好同意行政長官話，啲人好滿意喇，所以就唔出嚟投票」，強調爭取高投票率，是未來4年議會主要任務，「有啲事件真係企硬，或者提出啲解決方案，我相信有助於提升投票率，就算去唔返以前新高，每一次提升都代表我哋為市民做咗嘢」。
不過，新民黨葉劉淑儀並不盡贊同，認為投票率高未必是好事，「過往見到有啲人用手段挑起情緒去推高個投票率，結果係令到社會更撕裂」。她亦以美國總統大選為例，有示威者武裝入侵國會山莊，試圖推翻選舉結果，「呢啲就係投票率過高、情緒太激動嘅惡劣後果」。
政治素人上馬 林素蔚否認屬建制派
今屆有不少政治素人當選，包括港漂政團「香港新方向」張欣宇、專業動力林素蔚等。被問到外界現時以「89:1」形容立法會，他們是否認定她屬建制派，林素蔚形容自己屬「貼地民生派」，屬跨政治光譜，不會形容自己為建制派；張欣宇則指，「對於解決問題嘅人，標籤係無所謂」。
張欣宇自畢業後便投身港鐵工作，如今是港鐵車站事務經理，曾於8.31事件當天擔任太子站總指揮。他指，由於港鐵是重要的公共事務，希望有個「clear cut」（了斷），因此將會辭去港鐵工作，全心投入議會。
觀看原文： 按此連結