2021一起走過的眾聲細語
2021年，即將走到尾聲，曾經同行的人，今天還在嗎？這一年，很多人和物，都在寂靜中消逝。但有一些人用無比的意志打破沉寂的公民社會，鄒幸彤告訴大家要抵抗恐懼，鄧燕娥伴李卓人36載表明無怨無悔，陳皓桓單打獨鬥說自己有能力付出，夏博義更在最壞的時代搬回香港。
穿街過巷的角落裏，有小店免費為還押者配眼鏡、有老師願意為被告學生擔保，寒蟬之中仍有熱心的人保持良善。還有蘋果記者留守最後一刻，無憾為市民發聲，救人博士生告訴流亡的人毋須內疚，或者我們都要學會晴天林的苦中作樂。如果有日香港人在天涯海角再次撞見時，不如彼此點頭笑一笑。
重溫這一年笑中有淚的12篇文章，如果哪一句勾起過你的共鳴、打動到你，不妨考慮支持我們，讓留下來的我們，一同經歷2022年，紀錄如常，傾聽眾聲細語。
請支持我們，成為眾新聞訂戶
【許智峯助理步後塵流亡 流淚憶兄弟情】
「有人話我不負責任、離開班𡃁仔，或者不敢承擔罪責、將來受刑罰。我唔係唔想去坐（監），係如果真係有罪，你叫我坐，唔緊要，但如果係無罪去坐，我一定唔甘心。」
【師徒情深15載 張可森老師願做擔保】
「當初以為佢最多都係俾人DQ，誓估唔到會係被拘捕，而且係保釋唔到。我係覺得好震驚，對香港人嚟講亦都係一個好大嘅震撼彈……我問過一個而家做律師嘅學生，做擔保人有咩責任？佢話如果阿Sam走佬，我啲錢就凍過水囉，咁好少事啫，個數目話大唔大，話細唔細，但我覺得無所謂嘅，最緊要幫到阿Sam。」
【博士生寄語健仔無需內疚：不用擔心大哥哥】
「我諗你依家嘅生活都係艱苦嘅。我作為大哥哥，保證唔到你可以再喺香港幾時出現返。但我希望你唔使擔心喺度嘅大哥哥架啦。將來嘅生活努力啲啦，可能前面嘅路好艱苦。如果有日我喺天涯海角再撞返你嘅時候，你記得點頭笑吓。」
【林朗彥刑滿出獄：不放棄社運路尋覓新位置】
「有一次我畀人拉，因為爸爸係教官嚟嘅，拉我嘅警察係畀佢教過，呢件事對佢同班同僚有啲影響。既然彼此都令到對方嘅人生受阻嘅時候，咁似乎唔再需要太過執着喺呢個位（血緣關係）。」
【李卓人首入獄 太太相伴36載：我哋無怨無悔】
「以前兩個人，好多嘢會傾，會商商量量，依家就要自己去諗、去面對，譬如好似食早餐，以前一齊食，依家自己整自己食，呢啲都係要習慣。」
【一人秘書處、同伴入獄 陳皓桓的單打獨鬥】
「咁我而家都係24歲，我嚟緊25歲，畀盡坐10年，都係35歲。雖然咁講好串，但真係事實。我係有能力去付出，冇乜包袱，無所謂。」
【鄒幸彤的坐監修煉 以幽默面對荒謬】
「佢拉人封艇係對社會嘅恐嚇。如果你唔當佢係一回事，咁大家可能唔會覺得咁驚。我覺得自己有多少責任同位置，去喺公眾層面抵抗呢種恐懼。等大家見到，唔係咁大不了嘅事嚟，應付到嘅。」
【在最壞的時代搬回香港——夏博義】
「無錯，人權工作是危險的。但在當地的人面對危險，比訪問的人高100倍。有些人說我們不應以身犯險、或者工作無意義，但我們去這些地方見的人比我們面對更大危險，我們到當地也令他們較為安全。」
【協調遊行退休警：示威係好正常 最尊重長毛】
「孔令瑜一開始好惡，後來好啲。岑子杰，講嘢好理性，好爽直，唔會轉彎抹角。Figo（陳皓桓）睇住佢大，見佢被人拉，其實佢哋都係人嚟嘅。10幾歲就入社記，不斷同佢講嘢，幾理性，唔係貪威識食嗰啲。」
【小店免費為羈押者配眼鏡：再見或已是中年人】
「因為嗰日佢過嚟，就係佢入去之前嘅最後一日，但過埋嗰日之後，佢面對嘅係斷年計，或者唔知幾多十年嘅牢獄之苦。依家仲係一個年青人，但下次見可能已經係個中年人，全部都係一個未知之數……」
【蘋果記者淚眼說無憾：至少幫過市民發聲】
「我覺得有時候，啲人成日笑有咩就報上蘋果啦，搵蘋果啦，這三年來我處理過很多投訴，有做得成、有做不成，但我至少覺得自己幫過市民發聲。」
【晴天林冀作品為港人苦中作樂：一齊捱落去】
「雖然香港現時嘅環境係被打壓得好勁，甚至令到身邊好多人移民。但我覺得就算處於呢個逆境當中，最緊要就係整理好自己嘅心情，唔好成日令到自己處於絕望嘅心情裡面，因為我覺得抗爭嘅路來日方長，呢一刻最重要嘅都係保持心境開朗，大家一齊捱落去！ 」
觀看原文： 按此連結