【立場新聞案】前《立場》記者揮燈狂奔送囚車 「等佢哋知道，我哋撐緊佢」
《立場新聞》前總編輯鍾沛權、署任總編輯林紹桐申請保釋遭拒。散庭後，西九龍法院一帶的街頭，各處都有前立場記者的身影。他們亮起手機燈，在街頭巷尾狂奔，試圖追趕每一輛駛出的囚車，讓昔日的上司、同事、朋友，看見他們手中的光明。
攝影記者朗從事新聞攝影已有9年，他曾於《蘋果日報》工作7年，今年6月《蘋果》被控違反《國安法》倒閉後，他10月中轉職到《立場新聞》工作。
半年連失兩東家 嘆新生態難發揮寧願轉職
他抱著盡做的心態加入新公司，「相信有我做嘅空間，而且喺冇負擔情況下，可以做到咪做」。但未幾他迎來第二次失業、公司倒閉，「得三個月時間我做唔到好多嘢，影唔到好多好好嘅相，呢個係遺憾」。
朗今天到庭旁聽，直言當聽見提及一些被指煽動的文章時，不禁感到自責，「雖然我冇份寫，但我有份影，你有份做時，變咗要承擔嘅唔係你，係總編輯、係啲唔關事嘅人⋯」
朗坦言，雖不捨得一眾行家，但對香港環境並沒有留戀，他擔憂未來媒體生態只剩下單方面聲音，「你又可以點做呢？」隨著傳媒生態轉壞，他不打算再從事新聞攝影，「嚟緊當我加入愛國媒體，Facebook出一張相，張相唔夠愛國又冇得做。咁又係一個問題⋯咁倒不如，我唔好耽誤咗呢個身份，呢個身份不如放低佢⋯」
欣和晴是立場法庭組的記者，十分熟悉國安法案件的保釋程序，對於被告成功保釋的機會，一般她們都不存厚望。
卸下職務換上無奈 點燈但求陪伴
然而，當身份不再是記者，「被告」成為了自己昔日的同事，欣凝望裁判官在紙上不斷抖動的筆桿，格外漫長的等待，曾經讓她心中生出一絲希望，「你知道會畀保釋嘅機會好細⋯平時你唔係嗰種身份，你係記者，你會理性咁分析件事，但而家你只係希望佢有保釋」。
晴憶述，她今早9點半到達法院，但有其他同事來得更早，凌晨4點便開始排隊，徹夜未眠。晴說，今天在法庭內，她第一次體會到「蘋果人」的感受，「係見到一個好熟悉嘅人，不斷望向我地呢個方向，係覺得好無奈⋯真係好無奈」。
欣和晴都說，她們現在做可以的事不多，可以做的，就只有陪伴，就只有亮起手機燈，「等佢哋知道，我哋撐緊佢」。
我哋行得比人哋多、行得比人哋耐，市民睇完覺得我哋值得支持
前立場副採訪主任陳朗昇，今早以記協主席的身份接受商台節目訪問。他說，雖早已預料事件會發生，但「明知苦茶苦，飲落去嗰下，唔會因為你知而感受減少」。他慨嘆昨日忽然失去記者身份，不用擔心採訪工作，反而要組織同事到法庭排隊等公眾席、到警署送飯，體會到早前蘋果行家的痛苦。
當主持問到如何形容這種苦時，陳朗昇開始哽咽，提到警方昨質疑立場為何有大筆資金，「其實大家都知發生乜事，過去兩年無數個夜晚，我同同事喺香港街頭同香港人一齊面對，我哋行得比人哋多、行得比人哋耐，不斷做幾個鐘直播。市民睇完之後覺得我哋值得支持，所以支持我哋⋯但噚日咁樣講好似我哋有乜勾當，我覺得好唔公道」。
觀看原文： 按此連結