【花式足球．專訪】馬偉澄為比賽停學 著穿窿波鞋苦練絶招 奪世界賽銅牌
馬偉澄揹著大背包，來到他的「秘密基地」——上環中山紀念公園。他拿出足球，穿起球鞋，鞋底貼了一層層黑色封箱膠紙，「因為我對鞋好易穿窿，所以黐住頂住檔先。」
他幾乎每日練習花式足球，踢一個月鞋就會穿，但一對鞋要五、六百元，他不捨得常換，捱到破爛不堪才買新鞋。「有時會有啲跣，咁亦都有時黐完膠紙之後，佢會再穿窿，咁就再黐，再繼續頂。」
22 歲的馬偉澄前年停學，一邊返兼職，一邊練波，自資參加無獎金的比賽。今年，他穿起爛波鞋，在公園起步，踢到世界賽，力壓全球 20 國選手贏得銅牌，成為該賽事中首位香港得獎者。
馬偉澄：「可以代表香港絕對係我嘅光榮」。
從小無時停 14歲自學花式足球
馬偉澄練波時會用喇叭播廣東歌，踢起皮球，身體則隨音律舞動。皮球騰空時，他提腿環繞皮球轉圈，皮球險些著地，他再將之踢起。
踢球時充滿動感，他就連說話時，雙手也會揮來揮去，時而扭動身體。他從小到大「無時停」，小學一年級已開始踢足球，也玩過乒乓波、跆拳道和欖球。
著穿窿波鞋苦練絶招 奪世界賽銅牌【著穿窿波鞋苦練絶招 奪世界賽銅牌】 詳看報道：https://bit.ly/3Bopv4x 馬偉澄揹著大背包，來到他的「秘密基地」——上環中山紀念公園。他拿出足球，穿起球鞋，鞋底貼了一層層黑色封箱膠紙，「因為我對鞋好易穿窿，所以黐住頂住檔先。」 他幾乎每日練習花式足球，踢一個月鞋就會穿，但一對鞋要五、六百元，他不捨得常換，捱到破爛不堪才買新鞋。「有時會有啲跣，咁亦都有時黐完膠紙之後，佢會再穿窿，咁就再黐，再繼續頂。」 22 歲的馬偉澄前年停學，一邊返兼職，一邊練波，自資參加無獎金的比賽。今年，他穿起爛波鞋，在公園起步，踢到世界賽，力壓全球 20 國選手贏得銅牌，成為該賽事中首位香港得獎者。 馬偉澄：「可以代表香港絕對係我嘅光榮」。
Posted by Stand News 立場新聞 on Thursday, October 7, 2021
14 歲時，他看了一個花式足球電視節目，他認為「好有型」，深深吸引著他，「其實細個好鍾意乒乓波㗎，但慢慢發覺另一樣嘢仲吸引，花式足球好特別，好少人玩，我又唔鍾意做啲好大路嘅嘢。」
花式足球有什麼特別？馬偉證說：「自由，超級自由」，花式足球無球例規則，同時可以自創招式，亦要懂得自律，就算一個看似簡單的動作，也要反覆練習才可練成，「有呢個拉扯就係花式足球好正嘅地方」。
奧運項目中，運動員身邊總有一班教練團。但花式足球員打國際賽，卻無教練在旁，平時也是自己學、自己練。「其實好多人都聽完會問，『下自己練乜練到㗎咩？』或者『冇教練練到㗎咩？』但我哋呢樣運動，其實就係咁。」
為賺旅費 邊做兼職邊練波
「我口頭蟬係：『人做我唔做，殺出新血路！』」本身讀體育副學士的馬偉澄，前年停學，將前途押注在花式足球之上。他說這並非艱難決定，就算最後沒有成果，做到自己喜歡的事都很滿足。
「最掙扎係諗點同屋企人講…，」他怕家人反對，不過自己主意已定，於是間接表達意願，家人叫他報學校，他就說「遲吓先啦」，說了幾次，到最後說停學，家人也接受。「我估佢哋心入面可能會有啲擔心，會驚唔讀書之後點算。我諗佢哋係信任我，想畀多啲空間我。」
他想趁這兩、三年運動員黃金年齡，全力衝比賽。「我嘅目標係可以喺世界賽到攞到金牌，雖然我知道其實唔係咁易做到，但係我都想畀呢個目標自己，睇下自己可唔可以去到呢一步。」
比賽的機票、住宿、裝備和參賽報名費，一敞旅程洗費大約為 30,000 多港元。他為賺取旅費，膽粗粗走入皮鞋店應徵銷售員兼職，一星期返三至四天，返了半年才儲夠錢。
「其實嗰段段時間係幾辛苦，一係就返工之前朝早，一係就放工夜晚去練習，老實講，無論係精神上或者係身體上都好攰。」
皮鞋、波鞋與布鞋
皮鞋店每日中午開舖，馬偉澄一回去就要負責翻新皮鞋，一日翻新十多對。他放一對脫色的啡色皮鞋在櫃枱，然後用手指沾沾鞋油，塗擦皮鞋脫色的位置，擦了 10 分鐘，舊鞋變得光潔如新。當有客光臨，他就要招呼，像專家一樣介紹各款皮鞋。
「我都覺得自己鍾意皮鞋係有啲奇怪…」他平時出街會著布鞋，踢足球是就穿波鞋，他喜歡皮鞋，收藏了三對。中學時有人送他第一對名牌皮鞋，令他開始留意皮鞋，「可能因為我自己個人好幼稚，覺得皮鞋好大個仔好成熟。」
他甚至學過造皮鞋，造過一對給自己。他解釋，造皮鞋要先設計鞋款，然後在一張皮上裁一塊塊圖案，再縫起來成為鞋的面皮。接著將面皮用釘固定在鞋楦上，令面皮形成一個立體的鞋型，最後縫好鞋底，「由零去到完成一對皮鞋，成個過程好吸引。」
兩年練一招練傷膝
造皮鞋就像玩花式足球，由零到有，全是工夫。馬偉澄練習動作「Palle around the world 」，皮球騰空時，用腳環繞它連續轉三個圈，並待它著地之前，再踢起它，全香港只有馬偉澄練成這招。
他由零開始，練到成功做到，大約是一年時間；他再由成功做到，練到在比賽中都能表現出來，總共花了兩年。「我會形容過程係幾漫長嘅，所以你做到個吓，真係好有成功感，暫時我諗冇其他嘢畀到呢個感覺我。」
Super ball 世界賽 Sick3 項目，有 7 次機會表演自訂高難度動作，他就選了「Palle around the world 」，結果 6 次失敗，在最後一試成功。
「每一次失敗之後，我都會諗返呢次其實係邊個位做得唔好，下一次點樣去調整…，嗰六次失敗，先令到我最後個次可以做到。」最終他憑此成功奪得銅牌。
比賽後，有次他行樓梯時，聽見膝蓋「咔咯」一聲，腳一屈即如受電擊般痛楚。他停下來，不敢提膝，慢慢一步一步走。
為準備今次比賽，他每日數小時，反覆練習同一動作，提腿繞皮球轉圈。賽後傷患慢慢浮現，腳腕和膝蓋皆受創傷。回港之後，他去看醫生，再做針炙，正待傷勢慢慢復元。
不過就算再痛，他也沒有停止練習，原因是害怕一停，火熱的狀態便會中斷。「可能咁樣其實係唔啱，好傻嘅，但係…我都唔知呀。」
比賽無獎金 「代表香港是我的光榮」
下苦功終獲回報，馬偉澄成為該賽事中首位奪獎的香港人。不過，比賽獎金是零。
他說玩花式足球多年，已習慣這項運動是無獎金、無回報，不過自己依然享受和快樂。停學去玩無獎金的比賽，如此賭博值得嗎？
「喺某個角度睇一定係好戇居好唔抵。我就真係戇居啲，睇嘢簡單啲…，純粹鍾意咪去做。」
為夢想「戇居」一次，卻得不到認同。他坦言在出發前，幾乎沒有圈外人知道 Super Ball 世界賽是甚麼，就算有香港人參賽都未受太多關注。他曾不甘心，「係咪自己練得唔夠辛苦呢，點解好似冇人留意、冇人認同？」
比賽之後，他收到海量來自香港人的打氣，那些負能量一瞬間消逝，更覺一切值得。「我返到嚟見到好多香港人幫我打氣，恭喜我，係好窩心、好開心，希望唔只我，其他花式足球員去比賽都會有呢啲關注。」
「每次去比賽，無論去邊度，我都覺得自己代表緊香港。」他披起香港區旗接受嘉勉，「可以代表香港絕對係我嘅光榮」。
【馬偉澄歷史性奪花式足球世界賽銅牌 「以代表香港為榮」】【睇片】馬偉澄歷史性奪花式足球世界賽銅牌 「以代表香港為榮」 報道連結：https://bit.ly/3D6MLW6 奧運完結，香港運動員繼續發光， 2018 年香港花式足球錦標賽冠軍馬偉澄，昨（21日）出戰在捷克舉行的 Superball 花式足球世界賽，並於 Sick3 項目中奪得銅牌，成為首位在該賽事奪獎的香港人。 ( 施寶盛 提供片段）
Posted by Stand News 立場新聞 on Sunday, August 22, 2021
公園停車場 煉成香港第一人
在香港，就算你玩花式足球有多厲害，練習都得靠自己，自行四出找練習場地。體育館是最佳訓練場，有冷氣且地面平滑。可是他覺得場租太貴，不捨得花每小時數十元的租場費。
於是，公園和停車場成為他的秘密練兵場。他試過在公園練波時，被管理員驅趕、途人投訴無數次，「因為佢哋見到粒足球，就會覺得我哋喺度踢波，會將個波周圍射，但其實我唔會㗎嘛。」
他解釋，花式足球不需很大地方，給他四塊階磚空間就能練波。「希望多啲市民知道，見到個波唔使咁驚，會覺得我地一定踢到人。」
他最終找到上環中山紀念公園，這裡有人跑步，也有小孩踩滑板，勝在夠開揚、空氣好，旁人並不關心他在做甚麼，最重要是不會被驅趕。
萬一下雨，他就會到停車場練習。停車場環境較惡劣，地面多沙石，而且骯髒塵多，有時手腳碰到地面，會令他皮膚敏感。「可能有啲人會覺得好慘，個地好多沙石，凹凹凸凸，或者好污糟，但有時當真係落雨，去到停車場，對我嚟講已經係一個好好好完美嘅地方。」
這位本地薑就在公園和停車場密密練， 16 歲踢到全國賽 8 強， 19 歲已是香港錦標賽冠軍，今年更成為世界賽銅牌。
吃飯看戲都想花式足球
到底馬偉澄有多愛花式足球？他吃飯時，雙腿無事做，就想拿足球來踢；看電視也會突然有啟發，想出新招來試。又或者看見電影的剪接轉場，他又會想在自己的花式足球影片裡嘗試。
馬偉澄無時無刻都想著花式足球，這如他的第二生命，充斥生活每個角落，「花式足球…佢佔咗我依家人生嘅最大部份，唔係一個運動或者職業咁簡單」。
「呢一刻好難想像，例如如果我突然間有一個好大嘅受傷，好嚴重，令我玩唔到花式足球。我諗第一件事我會喊先囉，我都幻想唔到真係。」
花式足球難搵食 如同花式自殺？
熱情不可以當飯吃，朋友圈子裡，他見過有人一開頭很喜花式足球，以它為職業，但慢慢看不見前途，決定放棄，有人轉了去做銷售員、返office、沖咖啡、拍片…。
「香港第一人」一樣要開飯，講到退役後的生計，他也坦誠面對自己：「我諗暫時花式足球就好難搵到咩大錢…」花式足球出路不多，多數是教波和表演。最近他一邊在學校教波，一邊在皮鞋舖返兼職，薪金只是「掹掹緊夠用」，交不到家用，幸好有兩位已出身社會的姐姐支撐家庭。
馬偉澄心知以花式足球為生，如同「花式自殺」，黃金年齡會過，甚至可能會有傷患，不可能踢足一世。如果不玩花式足球，還有甚麼可以做？
他想了 20 秒，然後說：「可能都…返朝九晚五，返 office？當你冇第二條路可以揀嘅時候，你都要硬食㗎啦…。」
馬偉澄坦言決了心要做，就要做到最好，只求活在當下，專注眼前目標，未想太多前路。
「到時再算啦！」
他的世界很純粹，能踢花式足球就夠。「本身你攞粒波喺度玩，就已經係最開心嗰樣嘢。」