台灣殺人案疑犯陳同佳，在本港因洗黑錢被判囚獲釋後，逾 20 個月以來一直受警方保護，至日前（13日）被證實已離開安全屋，和他關係密切的聖公會教省秘書長管浩鳴指，他目前居住在「一個不會容易與市民接觸的地方」。案中死者潘曉穎的母親今日（14日）透過錄音口訊，要求下周在政總門前與陳同佳直接對話。她批評警方「靜雞雞放人」，對全港市民造成威脅，「我想問下香港人，陳同佳可以由深山郊野，隨時可以落市區，仲間唔時由佢阿媽餵飼，你哋真係驚唔驚㗎？」並要求警方給予人身保護，擔心自己被陳同佳殺害。

網上媒體「MIHK TV」晚上播出一段潘曉穎母親的錄音。潘母在錄音中表示，透過傳媒報道才得悉陳同佳離開安全屋，質疑警方爲何可讓殺人犯在香港自由走動，對港人或造成威脅，「我想問下香港人，陳同佳可以由深山郊野，隨時可以落市區，仲間唔時由佢阿媽餵飼，你哋真係驚唔驚㗎？」要求警方及政府儘快交代爲何要「靜雞雞放生」陳同佳，「依家一個殺人犯殺咗人，仲可以自由自在、喺香港出入自如、自由上網，簡直係非常之嚴重危害社會安寧，但係警方好似完全視若無睹！」

批評警方發放錯誤訊息　殺人可甩身冇事

她又形容警方及政府的決定有如對外發放錯誤訊息，「係咪暗示俾大家聽，如果一個人去咗一啲香港冇引渡條例的地方，係咪嗰啲殺左人、返咗殺人罪嘅人以後就可以返嚟香港，以後就可以甩身冇事、逍遙法外？」，呼籲政府儘快公佈陳同佳下落。

潘母又提及，因多次就事件公開發言，擔心自己被陳同佳殺害，要求警方保護「陳同佳話阿女當時講咗啲嘢刺激佢，然後就殺咗佢。我而家成日喺傳媒度講佢，我真係好驚畀佢殺左我，我諗真係要求要要求警方保護我先得」。不過，潘媽媽表示希望與陳同佳直接對話，要求他下星期在政總門口出席記者會「有啲嘢我想直接問清楚佢、得個明白！」

《香港01》：可如常上網看電視　身型變圓潤

香港聖公會教省秘書長管浩鳴，日前（13日）向傳媒證實，經警方在六月的評估決定保護，陳同佳早前已離開安全屋，但不便透露新住處，僅形容住處是一個不會容易與市民接觸的地方。管強調陳同佳仍在港，赴台自首意願不變，何時起行則有待台灣方面批出簽證。《香港01》則引述消息指，陳同佳 3 個月前已離開安全屋，現時與母親間中同住，一日三餐獲安排、可上網看電視，身型比兩年前出獄時圓潤。