【六四和平集會案】鄒幸彤：僅支聯會「自己人」集會 友好到場不會無故趕人走
去年六四和平集會，24 名民主派人士被控煽惑他人參與未經批准集結等罪，黎智英、鄒幸彤及何桂藍不認罪。法官胡雅文昨日裁定案件表證成立，鄒幸彤今（5 日）自辯。她指警方以公共衞生理由禁止集會舉行，「唔係濫權係咩呢？」她強調當日是支聯會「自己人」的集會，「我唔知係咪攞住蠟燭，就叫做參與緊我哋集會，如果咁講，成個香港都係一個集會。」控方指當日有黎智英等非支聯會常委到場，鄒幸彤回答：「通常友好嘅朋友會行過嚟，無緣無故唔會趕人走。」
法官胡雅文昨日裁定案件表證成立，黎智英不作供，鄒幸彤作供及傳召一名證人。鄒幸彤供稱，警方去年就六四集會發出反對通知書後，支聯會沒有向公眾集會及遊行上訴委員會提出上訴。她解釋，警方 6 月 1 日才發出反對通知書禁止集會，「距離六四得返 3 日，喺往年情況，（支聯會）6 月 1 日已經喺維園做緊相關準備。」
鄒幸彤指警方濫權 不浪費時間上訴
她指假設上訴成功，亦不可能在短時間內舉辦一個安全、有秩序的集會，因場地、音響「乜都做唔切」，「我哋決定係唔會浪費時間（上訴），更緊急係點樣有應變方向⋯⋯點樣繼續當年嘅六四悼念。」她表示，以前從未被警方拒絕集會，笑說「集會唔使申請，只係通知警方。」
鄒幸彤稱不理解警方的反對通知書，「如果（警方）夾硬將公共衞生嘅理由，包裝成公共安全嘅理由，唔係濫權係咩呢？」她指負責警員表示尊重集會權利，但不肯與支聯會討論。她指集會遭禁止後，支聯會立刻通知公眾，強調並非放棄六四悼念，並提出四個應變方案：網上集會、遍地開花、網上 hashtag（主題標籤）牆，以及支聯會成員堅持前往維園悼念。
鄒幸彤：僅成員集會 否認集會不合法
她表示集會必定遵守防疫規定，如 8 人限聚令、保持社交距離，即使當時沒有口罩令，支聯會提供參與人士戴口罩，「香港人出街要守嘅規矩，我哋都會守，警方提出任何合理防疫要求，我哋盡最大努力遵從。」鄒幸彤指案發當日，支聯會將原本打算在維園派的蠟燭分散至各區，庭上感謝很多朋友幫忙，「正正反映悼念六四唔係支聯會嘅專利，呢場係全民參與嘅運動。」
她指當晚並非遭警方禁止的集會，只是一個「自己人」的集會，並否認集會不合法。鄒幸彤表示：「我哋成員有十幾人去咗維園參與網上集會，圈子以外嘅人嚟維園係咪叫參與緊集會呢，我無法判斷。我唔知集會係咪攞住蠟燭，就叫做參與緊我哋集會，如果咁講，成個香港都係一個集會，我實在唔知集會界線點樣界。」
控方屢問疫情 鄒幸彤：不明有何意義
署理高級助理刑事檢控專員伍淑娟盤問時，多次提及疫情傳染度高、致命，甚至使法庭、旅行社停擺；鄒幸彤指自己並不熟悉相關事項，笑說：「好多嘢都可以致命，感冒都會致命，我唔明你問我有咩意義。」伍指風險評估應該警惕、謹慎，鄒幸彤反問：「如果你個警惕同謹慎係一視同仁，我梗係同意，但當時我哋可以搭地鐵喎，憑咩話集會風險高過逼地鐵？」
鄒幸彤在盤問下，表示忘記何時印傳單，「我哋一年到晚都印單張，係好嘥紙嘅機構」；蠟燭則長期存放在倉庫。控方指出，當時有 13 名被告聚集在噴水池附近，當中黎智英、陳皓桓及郭永健並非支聯會常委，「邊個負責叫佢哋嚟？」鄒幸彤回覆指：「坦白講我真係唔知嘅，通常友好嘅朋友會行過嚟，無緣無故唔會趕人走。」案件下午續審。
黎智英及鄒幸彤否認一項「煽惑他人明知而參與未經批准集結罪」，指他們於 2020 年 6 月 4 日在維多利亞公園噴水池，非法煽惑他人在無合法權限或合理辯解下，明知而參與未經批准集結；鄒幸彤及何桂藍另否認一項「明知而參與一個未經批准集結罪」。
案件編號：DCCC857-875、877-884、886-889、891、893/2020 (Consolidated)