去年六四和平集會案，黎智英、鄒幸彤及何桂藍否認煽惑他人參與未經批准集結等罪，何桂藍今（9 日）在區域法院繼續自辯。她指很多人認為 2020 年六四發生的事，只是過去 30 年延續，但她認為「2020 年六四發生嘅嘢，係 2019 年嘅延續」，指香港人不再需要領袖及組織，以實踐政治行動。另外，控方引用何的 FB 帖文，指她形容當晚是「冇大台」，並一度譯作「No big platform」。何反對其譯法，指應譯作「decentralized」，自己並非指實質上的台，而是一場運動有否指揮。案件本周四（11 日）結案陳詞。

2020 年 6 月 4 日，何桂藍（持蠟燭右二）和羅冠聰、袁嘉蔚等人於維園手持蠟燭。 Kenji Wong 攝

何桂藍今早自辯稱，她從來不悼念六四，亦不認同六四有需要悼念，八九民運精神是需要用行動繼承。她不認為六四集會是彰顯港人有言論自由，「香港人 suppose 有嗰啲自由。」（另見報道）

何桂藍否認接近李卓人等人群組

控方指出，何桂藍、岑敖暉等人當時手持一隻由支聯會的派發的杯以盛著蠟燭，詢問該杯是否等於支聯會舉辦集會。何桂藍不同意，指徒手拿著蠟燭會「滴到啲蠟周圍都係，好難剷」。她指某年有人「發明」用紙杯承托蠟燭，市民就不用在晚會後「剷蠟」，但「發明者」不是支聯會的人。

新聞片段顯示，何桂藍與岑敖暉等人聚在一起。何桂藍同意當時眾人手持蠟燭，她到達維園才從袋中取出花。控方詢問手持白花是否象徵悼念，何桂藍不同意，「張崑陽肯定唔係悼念緊。」控方詢問為何她帶花入維園，何桂藍一度稱「尋日主問講咗，所以我唔重覆」，她在法庭要求下重申：「因為喺我認知，六四攞花攞蠟燭出嚟行，全球只有一個地方要拉要鎖，就係中國大陸，我想睇下香港同大陸有幾大分別囉。」控方指當日在維園，何桂藍等人的群組，與李卓人等人群組接近；何否認，指其群組沒有人決定要接近李的群組，「當時好多人湧緊入嚟，唔想坐咁近入口阻掟，盡量行前啲囉」。

控方指兩個群組接近是巧合，何桂藍不同意，「我係特登冇痴咁埋。」

何：「冇大台」應譯作「decentralized」

何桂藍指以她認知，不獲授權的晚會沒有發生過，其 FB 帖文是現場觀察。她在帖文曾稱：「三十年來，第一個『冇大台』的六四晚會」。控方一度用「No big platform」形容「冇大台」，何桂藍指其英文翻譯應是「decentralized」。控方指支聯會、李卓人受訪時常用「No big platform」，何回答指「唔知佢哋用咩英文」。

控方其後用「Vigil」形容六四晚會，何桂藍亦提出反對，「晚會唔一定用 vigil，TVB 台慶晚會都唔會譯成 vigil 掛！」她解釋，上述句子意思是表面上有一群人在維園裡面，「望落去同過去幾十年可能好相似，但實際上發生緊嘅事係完全唔同，所以我依家呢句嘢重點，係冇大台嘅晚會。」控方再指，李卓人是否曾說「冇大台」、沒設備；何桂藍表示不肯定他曾否說過設備，但強調兩人對「大台」理解不一樣。

法官胡雅文質疑，兩者譯法看似意思一樣；何桂藍聞言變得激動，「唔知法官閣下熟唔熟中文標點符號運用，一個詞語用得引號嘅話，詞語唔應該 on the face 咁理解，否則唔需要用開閂引號。」何桂藍繼續解釋反對控方使用「Big platform」譯作「大台」的原因，「因為由 2019 年到依家，『冇大台』從來唔係講緊一個台，依家全世界都研究緊香港嘅運動，大部分學者講緊『decentralized』，因為個台唔係講緊物理上嘅台，係一場運動有冇指揮、組織，參與者同參與者之間有冇 hierarchy，所以佢要用引號。」

2020 年 6 月 4 日，何桂藍於維園。 Kenji Wong 攝

何：悼念是反抗　但反抗不一定是悼念

何桂藍在 FB 寫上「悼念就是反抗」，她庭上解釋悼念是反抗，但反抗不一定是悼念，「我反抗鄧炳強，唔通我悼念緊佢？」至於「燭光依舊映滿球場」，她解釋是客觀陳述，「呢句只係講有燭光喺球場，至少我自己點蠟燭唔係參加集會。」被問及「香港人，不會允許我們的意志被壓抑」的意思，何桂藍解釋，很多人認為 2020 年六四發生的事，只是過去三十年延續，「但至少我個人覺得，2020 年六四發生嘅嘢，係 2019 年嘅延續。講緊嘅係， 2019 年嗰場運動，香港出現一個能動性（agency）嘅爆發。香港人已經唔再需要任何領袖同組織，先可以實踐政治行動，所以 2020 年嘅六四，即使支聯會唔再組織集會，能動性咁強嘅香港人，係唔需要任何事前組織，可以喺六四當晚，各自去實踐佢哋認為應該做嘅行動。我從來都唔悼念六四，但我認為八九年嘅精神要延續。」

何指任何人都可入維園　「維園唔係支聯會㗎嘛？」

在辯方覆問下，她指任何人都可以入維園，反問「維園唔係支聯會㗎嘛？」她又指 2019 年後行動現場有各式各樣的人，「如果唔認同支聯會就要離開維園，咁維園應該冇乜人剩低㗎啦。」她澄清其「反抗」意思，是反抗「反對通知書」背後，一個警方沒講出來的目的，「我係反抗緊個目的，就係想嚇倒啲人唔敢入維園。」所有證人完成作供，案件押至本周四（11 日）結案陳詞。

案件編號：DCCC857-875、877-884、886-889、891、893/2020 (Consolidated)