「我睇咗啲乜」
依班人就係咁痴線，無論在怎樣的世道，都勇敢地闖向新的形式，努力活著。這場 show 本身就是一場 fans gathering（張飛 even 英文名寫左！），將所有夠膽死試既野，推曬出嚟。
複沓，是試當真劇場的永恆形式，作品永遠存在一個 Loop ，依個 loop 卻不止於重複，而又隨脈絡而轉。這個 loop 好似在反映世道往往，又好像某種初心又出現，又或者點都係某些懶惰，但當你睇到差唔多滿，佢地又邁向左個新的 format 了，就算有些發展唔太係你果一皮（例如綜藝 game 果 d 真心無睇），但已經有新的觀眾，和願意繼續看他們發展的觀眾，最後我地都眾左響依個星期二，更加睇到佢地真正變得更加強大。
近月都會覺得，channel 有種新的發言意欲，比以往更想把事情講明白。有次聽 mc $oho & kidney 電台訪問，豪哥在最後突然挑明說了一句，歌就是談移民的。本來明就明的形式，他好似突然有個意欲要爆此一句。前不久又在外媒 BBC 解釋作品。舖到九展，果然大家都更加將要講的說出來。
不斷將短片的橋在台上 recall ，不斷後設自己，本身以為會好悶，但同時竟然也滿足了某種 fans gathering 的欲求，原來我會好想幾千人一齊現場睇依 d 野，依件事從來都無想像過。聯播現場那一幕劇，對我而言是略悶場，但整體好多唔係我平時鍾意睇的 show ，咁樣撈埋一齊卻又好開心。這群由 CAPTV 帶住我地大既人，一路接住左好多我地既情緒感受，今日可以一齊響九展鳩，感覺實在難以言喻。試音片現場表演，那種開懷真係量度唔撚到。
原來可以這樣活著，帶著勇氣活下去。今年睇好多 show ，以往自居廢青地批判社會的，如今都挑起大樑，大聲宣告要 long live 唔好死。再沒有不想長大的一群，而是好好長大，好好活著，變得強大。既溫柔地祝你在亂流平安，也坦白說就係要賣廣告。
游導總結發言，最後宣布團隊會再下一城。比起我睇咗啲乜，我更加想知道，游學修，你地究竟睇到啲乜？