立法會提名期過半，曾兩度參選立會選舉的陳玉娥今舉行記者會「告急」，稱已有足夠新界北選民提名，但仍未獲足夠選委提名「入閘」。她哭訴稱，「五大界別啲人我都唔識嘅，你又要提名我唔知點攞，咁仲唔係障礙係咩？根本就攞唔到」，認為如非有人牽線介紹，相信要獲足夠提名十分困難。

陳玉娥表示，自己有取得選委提名，但數量「少到唔想講」，亦未有透露所屬界別。她表示，自己服務市民多年，亦有抱負，但目前只能「企喺閘外面，東張西望囉，等運到」，「我都唔知點解自己咁淒涼… 係咪因為背景呢？我都唔明」。

她續稱，新選制下要獲五大界別選委提名，「有個界別根本無人識」，自己嘗試尋找選委聯絡方法亦不果，「電話又無、電郵又無，點搵？」她表示，從報章得知，「有啲建制派大哥大做牽線，就攞到提名，點解冇發生係我身上？… 可唔可以有大哥大幫幫我手，似乎呢樣嘢先可以做到（入閘）… 我真係要喊」。

指如轉區「不負責任」

對於勝算，她認為自己過去兩次參選，分別獲 500 多票及近 1,500 票，「對於一個人好似我咁，係咪會影響大局呢？… 係咪估計我贏面好高呢？」對於有人轉區後獲提名，陳玉娥明言不希望轉區，認為轉區有負作出提名的地方選民，「攞哂人提名，轉區就轉區… 我覺得係唔啱，有少少不負責任」。

記者會尾聲，陳玉娥數度哽咽，陪同陳見記者的友人盧傑群亦幫忙呼籲選委提名，又稱要答謝支持陳的地方選民，及「輕鬆一下」，高歌一曲《金玉滿堂》。

陳玉娥擔任愛中港青年文化社團聯會創會副主席。陳玉娥過去曾言「CY （前特首梁振英） 好完美」，她又曾在 2018 年立法會選舉中，大讚特首林鄭月娥，「同 CY 一樣，好完美，都係好有魄力的人。」

目前參選新界北的包括民建聯劉國勳、「鄉事派」元朗區議會主席沈豪傑，以及 831 事件時任港鐵太子站經理、「香港新方向」張欣宇。