博物館同一般人一樣，幾靠外表衣裝，不過過多幾年，邊度有人仲記得佢？尤其沒有外表的。

星期日大家去M+玩啦！星期日打卡的景點相，兩年後post 出來誰仍會like? 

Bilbao Guggenheim Museum 世界聞名，但去過都知，鐵板刺手，沒有細部，展品一般。我這些普通遊客，上次在馬德里ARCO 論壇開完會後去過一次，之後廿年甚至下半世都未必再去。

平日門庭疏落的西班牙古根漢館

博物館同人一樣，今日好紅好靚，過幾年博物館收番睇戲費咁100元入塲費，加上公眾可以出去外遊，又差不多間間一樣！空塲！

西九M+目前的特色或者只有中國館卅四十年前的所謂前衛藝術，當代中國及香港藝術，在國際旅客中buy唔 buy ? 大家知！館內當代西方藝術收藏有幾多，是 gallery 級數還是博物館級數？大家研究下。M+又不可能同香港藝術館的一樣，甚麼海外巡迴來港、廿世紀前的印象派、巴洛克藝術都可以展，分分鐘落入不前瞻不傳統之間的困局。

在十多年前規劃的時期，大家議決 M+ 要有擴充的第二期，今日看，好似沒有聲氣。如果四個大主題將來沒有吸引力，不排除一間 M+ 視覺文化館會加入文學、玩具、Celebrity 小龍、鄧麗君等新元素。

不過現在要做的是盡快落成故宮館，再把圓方摩天大樓大屏幕、避風塘、大草地引入公共藝術，產生有機的協同效應，讓香港市民在公共空間中對藝術的興趣及思考深化。之前海洋公園的沒落是香港人覺得它不是自己的公園；只有一間香港人喜歡和討論的博物館才會吸引國際旅客的注意。古根漢館曾令荒漠之城活化，相信特首身邊的人也不斷遊說她說文化區能活化香港！我不太淸楚！

M+ 博物館夜景（攝：Kwan）

 

（原文刊登於作者 Facebook。文本無題，現題為編輯所擬。）