圖片來源：fedex

美國聯邦快遞（FedEx）日前宣佈關閉香港機組人員基地，學者指出，航空公司過往以香港為基地，是因為看好香港前景，如今改變做法，反映他們「呢個睇法改變咗」。學者警告，若香港長時間維持高規格檢疫措施，對香港作為航空貨運樞紐將會帶來深遠影響。

上周有 3 名免檢疫的國泰貨機機師感染變種新冠病毒返港，政府隨即宣布收緊機組人員防疫措施，包括強制本地機組人員一定要打第三針疫苗，又要求貨機機組人員回港後每日一檢。美國聯邦快遞本周三 (17日) 公布，因應香港檢疫安排，加上全球商業環境不斷改變，決定關閉香港的機組人員基地。

中大亞洲供應鏈及物流研究所所長張惠民指出，航空公司過往以香港作為基地，是因為對香港前景看好，並作出更大投資，但他們目前看法已經改變，才不再會以香港為基地，「有啲機組人員佢屋企以香港為暫時居住嘅居所，咁先成為一個基地，咁係對香港發展前景肯定，先會搵香港作為一個基地」。

「唔知幾時又有一個染疫成組被扣」

聯邦快遞關閉香港基地其中一個理由是香港檢疫安排，張惠民指出，根據最新檢疫措施，如果同一機組當中，有一名成員發現染疫，所有密切接觸者都會被扣留，並送往檢疫中心 21 日，「呢個做法對航空公司嘅運作係好大嘅影響，除咗我突然間有一組人係咁樣畀你扣咗 21 日，又要搵另一組過來，都唔知幾時又有一組發現有一個人染疫就成組人被扣，所以為咗避免呢種風險，佢就選擇唔喺香港過夜」。

雖然聯邦快遞聲稱，香港業務會如常維持運作，但張惠民認為，兼顧不同航點將會導致航空公司成本增加，久而久之，只會助理競爭對手，「你係將一啲本來搬來香港發展嘅，推咗去競爭對手嘅城市，多咗一個航點。時間耐咗，可能會多咗投資喺當地，變成不能逆轉嘅一個趨勢，自己發展受限之餘，仲推高咗競爭對手嘅發展」。

「防得太緊將影響日常生活」

他續說，如果疫情三幾個月就過去，檢疫措施盡快放寬，影響屬於短期。但如果長期維持高規格檢疫要求，對香港將會帶來很深遠的影響，「香港而家區內係一個航空貨運樞紐，但係唔係冇競爭對手嘅，咁你自己唔增長之餘，仲要助長咗競爭對手嘅發展，呢個係對香港長遠係有相當大嘅影響」。

目前本港的主要航空貨運業競爭對手包括新加坡及首爾，張惠民指出，兩個城市最近已宣佈改變政策，與病毒共存。他說：「其實我自己覺得，與病毒共存亦都唔係我哋一個選擇，呢個病毒，我諗始終都會一個長時間存在。」他續說，香港外防輸入政策若太嚴謹，會影響一般市民正常生活，「香港唔同其他國家，好多物資都係要靠外地輸入，如果你防得太緊嘅話，咁可能我哋日常生活嘅必需品都未係會供應如常」。