由新世界發展成立的房社企今（6日）倡議發展「私人資助房屋項目」，以市價約五折至六折出售，申請對象為 25 至 45 歲香港永久性居民及首次置業人士。 首階段的新界西項目將有300 伙一至三房單位，其中 300 呎的單位，折實後售價為 ＄270 萬，首期為＄13.5萬、月供＄5010。不過，年青人對計劃反應未算踴躍。年約 30 歲的工程師期望置業多年，但已有放棄念頭，希望移民外國；20 歲學生亦表明「唔知之後會點」，沒有在港置業打算，「有得揀緊係唔係咁想（在香港）」。

工程師計劃置業多年：「想放棄，移民仲快」

陳先生年約 30 歲，在地盤任職工程師，現時月入 3 至 5 萬，存款約有 100 萬，未結婚，坦言「如果我已經一間屋，應該喺幾年前就結咗婚，有一間屋影唔影響我結婚都幾大」。他一直有計劃置業，亦有抽居屋，可是抽了幾期都抽不中。「見有啲朋友都係單身，抽中第一第二都冇得揀」。他認為計劃有幫助，條件亦吸引，初步看認為適合自己，但指出計劃幫到的人相當少，形容抽中機會「低過中六合彩」、「連申請衝動都唔會有，得個300伙」。

但他坦言已有放棄置業的念頭，形容「移民仲快」，初步希望移民到加拿大。他表示，在香港繼續等及儲錢，想做的事已不多，又要擔心 2047 如何處理間屋，要賣還是要繼續供下去，「可能我而家直接移民到第二個地方，所謂重新來過，得到可能仲多，試到多啲唔同嘢，吸引力仲大。」

移民定買樓？剛工作一年白領：「就算有錢都唔知」  

李小姐（化名）剛工作一年，與男友月入同為 2 萬左右，各自有儲蓄習慣。她說，如果計劃真的會實施，是幾好的價錢，但這不是可改善整體樓市供應及價格的措施，可以受惠的人不多，及有很多未知之數，「所有嘢都係得個講字，又未知佢幾時會實行」，不會特別對計劃特別有寄望。

李小姐說，與男友都可以說有置業打算，但因為香港樓價定價過高，「就算儲到錢都唔知係咪要買」。她形容，「買樓唔係真係好難，但唔係好抵買」她說短期內未能做到決定，現時都是先儲蓄。但她同意，現時狀態比較迷茫，「就算有錢都唔知」，指出比她年長兩至三年的人，移民的移民，買樓的買樓，結婚的結婚，故認為要兩至三年後才能作決定。

20歲廖同學：樓係不動產，畀咗首期，好似畀棟樓綁住。

20出頭學生：外國「冇咁逼壓，人都舒服一點」

20 歲的廖先生仍是學生，平日有返兼職幫補開支。如果未來仍有這些計劃，廖先生才合資格申請。他認為新世界的計劃只有300伙，「同冇冇咩分別」，但相信將有很多人會申請，因為 13 萬 首期可以負擔，但視乎申請者會否繼續在香港生活。他個人而言，沒有在港置業打算，認為十分不值，「樓係不動產，畀咗首期，好似畀棟樓綁住」。更重要是，「唔知之後會點」。廖先生身邊有不少人移民，他亦正考慮移民外國，形容「有得移緊係想移」、「有得揀緊係唔係咁想（在香港）」，解釋「空氣清新啲」、「冇咁逼壓，人都舒服一點」。