【海 三碗麵】排隊都未必食到的麵
這是同事食完（幾乎）即刻大讚叫我試的韓國街小店。有次周末下午 3 點多特登去點知無得食，老闆不好意思地說：「啱啱賣晒啲牛肉，抖陣晏少少五點幾先再來喇！」
我明，我真係明，因為這間「海 三碗麵」由老闆一人一腳踢邊做到咁多，全店只賣三款唔同湯底的伊麵，仲要配一碟即灸燒牛肉，而且小店真的好小， 3 張枱 6 個位，你可以想像係點。所以，想食就真係早少少去排隊，賣晒就無。
之後有晚明明 6 點幾去到，竟然都要等十零分鐘，而且牛肉都差點賣晒！差不多吃完時，老闊已要走出門口截單，話「唔好意思，得返 4 碗」。
到底有幾把炮？三款湯底分別是主打的海蝦濃湯與金華火腿煲雞濃湯，以及每月轉款的湯底，而這次是牛肋骨蕃茄濃湯。
試了主打的兩款湯底，兩者都極濃擺足心機同用料去煲。海蝦濃湯鮮味剛勁略鹹，不好重味者的話我建議金華火腿煲雞濃湯，味道相對柔和且與伊麵更配合，更有櫻花蝦提鮮，單飲也是很暖胃窩心的湯品。
至於牛肉雖然預先燒好，但上碟前老闆會再很溫柔、仔細地再輕灸逼晒啲油出來。牛肉味道突出，配這些濃湯不覺有違和感，也不會互相搶去焦點，總之是繞樑三日的美味。
海蝦濃湯伊麵 HKD75
金華火腿煲雞濃湯伊麵 HKD80
性價比：3.9/5
好食：3.9/5
衛生：3.9/5
海 三碗麵
地址：尖沙咀金巴利街 1D-1L 號地舖
營業時間：星期一至日 12:30–22:00
原刊於作者 Instagram