荔枝角收押所電腦系統故障，家屬大排長龍

正值聖誕節，荔枝角收押所今早（25 日）電腦系統出現故障，大批家屬到達後方遭告知有機會未能探訪。懲教處隨後完成系統維修，讓截龍時間前抵達的家屬入內探訪。

劉穎匡因初選 47 人案被還押接近 10 個月，其女友黃于喬（Emilia）今早十點半抵達收押所外，見門外大排長龍，她被職員告知系統故障，「職員就話今日電腦個 System 壞咗，咁就搶修緊，又話因為假期問題，搶修人員就可能未咁快到，就話今日有可能冇得探啦」，她又引述當時職員稱「試吓搶修啦，如果 12 點前都搶修唔到嘅話，就冇㗎喇。」

荔枝角收押所的親友探訪截龍時間為中午 12 時，Emilia 向記者表示，過了截龍時間，約 12 時半收押所外仍有人龍，現場約 200 人。接近一時多懲教署完成系統搶修，職員向家屬表示，今日可讓家屬酌情入內探訪，Emilia 終於約下午兩時半完成探訪。

Emilia：悉心打扮冀積極面對

對於今日情況，Emilia 本以為未能探訪，「嗰陣時其實真係好唔開心、好想喊，唉今日冇得探，佢可能又會擔心我又有咩事。」她對每日僅有的 15 分鐘探訪時間十分珍惜。Emilia 今日因聖誕節，而特意裝扮自己，頭帶鹿角，穿上有「Ho Ho Ho」字眼的背心，她稱會在節日時做些較特別的事，因在無可奈何的情況下，仍要盡量積極去面對。

黃于喬（Emilia）

至於今早十點半抵達收押所外的陳小姐指，今早被職員告知系統故障，正等維修人員到場，「整到就可以入去探，整唔到就冇。」最後等候兩小時後，電腦系統恢復正常，可入內探訪。

記者就事件詢問現場的懲教處職員，職員表示電腦今早出現故障，經職員搶救後恢復正常，現酌情延長探訪時間到下午一時，讓在原定時間前到達的家屬可進行探訪。

家屬：驚佢哋喺入面失望

到收押所探望未婚夫的肉丸（化名）則表示，由 11 時開始等候入內，最後下午一時多完成探訪，較平日所用時間長。對於可能未能探訪，她表示失望，「都驚佢哋喺入面失望。」正值聖誕，她指藉着探訪可與家人見面，「見下，過下節。唔開心都一定，好彩最後尾都探到。」

Emilia 向記者認為酌情處理合理，因不少人從屯門、天水圍到收押所，希望在節日家人相聚，「我哋真係早過 12 點嚟，係應該係有得探，咁佢最後都安排到都係好事。」